حسونه الفهلوى وطبور العيش
حسونه راح يجيب عيش وصل عند الفرن شاف طابور طويل عشان ياخد عيش محتاج ساعتين على الاقل بص شاف طابور الستات جار طبور الرجاله قال فرصه ادخل على طبور النسوان بشويت زكاء واخد عيش من غير ما اوقف المهم دخل على طبور النسوان وراح جاى لاول وحده فى الطبور وقال لها وسعى يا ست انتى فقالت له انت مين يا جدع انت ده طبور الستات فرد عليها حسونه وقالها انا مفتش التموين وسعت الست له على طول فاول ما وقف مكانها وشافه بياع العيش فى الفرن قاله انت مين يا جدع انت وازاى توقف فى طبور الستات فحسونه قاله بسرعه وحيات ابوك ادينى بتنين جنيه عيش حسونه ملحقش يكمل كلامه لان كل طبور الستات هجم عليه واشتغل ضرب فى لحد ما وش حسونه بقا زى رغيف العيش المحروق وجسمه بقا زى الفطيره حسونه خلص من الستات بصعوبه وطلع يجرى على بيته
حسونه وصل البيت
ودخل على مراته هى شافته قالت له مالك مين ضربك كده وشلفطك قالها اسكتى يا ولييه مين يقدر يضربنى انا كونت رايح فرن العيش وشوفت اربع شحوطه بيعاكسو بنت نزلت فيهم ضرب فقالت له نزلت فيهم ضرب ولا هما نزلو فيك ضرب لحد ما ضحضحوك قالها انتى ما شفتيش حالتهم هما الاسعاف جات شالت الخمسه بين الحيه والموت فقالت له هما اربعه ولا خمسه فقال ليها يوووه انا مش فاضيلك تعبان وعايز ارتاح ودخل غرفة النوم واترمه على السرير ومرته فضلت تسأل فى وتكلمه وهو عمل حاله نايم ومش سامع
وبعد نص ساعه فى واحد نده من الشارع يا حسونه يا حسونه فطلعة مراته تبص من الشباك وقالت مين عايز حسونه فرد عليها وقالها انا صبى المعلم صاحب فرن العيش قالت له عايز ايه قال لها المعلم زعل قوى على اللى حصل لجوزك وحلف ما يدى عيش للستات اللى ضربوا جوزك فى طبور العيش غير لو كل وحده منهم جابت جوزها ويراضوا جوزك حسونه ويعتزرو ليه على اللى عملوه نسوانهم فى وهما دلوقتى فى الفرن مع المعلم ومستنين جوزك حسونه فقالت له طيب روح انت
ودخلت هى وبتطلم على وشها وتولول وتقول ضربوك النسوان فى طبور العيش يا فضحتى قدام نسوان الحاره اوريهم وشى ازاى يا فضحتى يا فضحتى
وحسونه عامل نفسه نايم وبيتمتم فى سره وبيقول يا ولييه اخرسى ربنا يهدك هو انا ناقصك مش كفايه عضمى اللى ادغدغ وبعدين قال فى سره يا فضحتك يا حسونه ادى اخرت الفهلوه
كتبها : رومانى حبشى
ليست هناك تعليقات:
إرسال تعليق