25 ديسمبر، 2020
شرح جريمتي
11 ديسمبر، 2020
ضاع العمر وراح الشباب
وراح الشباب وراح الشعور بالمتعه والجمال بعد ما الروح فقدت الامال والشباب لملم شتاته واخده وراح وتركها للشيب براح يعمل عمايله في قلبي اللي عمره في يوم ما ارتاح
دا الشيب نشر شيبه في بساتيني وطير عصافيري من فوق غصونها زرعتي راح منها الخضار وجفت غصونها شب فيها الحريق ومفيش مطر يطفيها ويرطب غصونها
وضاع العمر وكلها ايام وبتمر مشفناش منها غير المر لافيها حلو نفتكره ولا راحه تخلينا نبكي عليها دي كلها ايامها كانت اسود من اسود لياليها
راح الشباب بعد ما تعبنا واحنا بنخبط علي كل باب ماهو كان نفسنا نعيش ايام الشباب طلع ورا كل باب شقا وتعب وعذاب
وراح الحماس بعد ما عرفنا ان اللي جاي مش احلا من اللي فات كونه فاكرينها بتضحكلنا تاريها بتوعدنا بايام سواد
مفهاش يوم نفتكره ونقول عليه يارب بعوده ماهو كلها كانت ايام غبره وسود سود نفتكرها نقول في داهيه لاتعود
كونه فاكرين اللي فات هو المر والقاسي طلع شوية هزار ورمي تماسي واللي جاي أمرين واقسا من القاسي
راح الشباب وانتها وادينا واقفين في المنتها كلها شوية انفاس وبنقول يارب نعيشهم وسط الناس وراسنه مرفوع بشموخ من غير مانوقع وسطيهم وندوخ
ضاع العمر وليه فيه مع الوحده حكايات ومع الهموم والالم ابشع زكريات ومعاكي يا دنيا كتير وكتير من الخزلان والخيبات
ضاع العمر ومخدتش منها حاجه لاضحكه حلوه تفرح الوجه الحزين ولا كلمه تبرد القلب الشعلان ولا لمسه تريح البدن التعبان
راح الشباب يا دنيا قاسيه وغداره ولا مره بصتيلي وانتي خالعه النضاره كنت مأمن في يوم حتديني السعاده طلعتي خاينه غداره غداره
ولاشوفت منك نص ضحكه حتي لو ضحكه ساده خاليه من كل مشاعر السعاده تراكي بتدي ناس كل حاجه وتاخدي من ناس كل حاجه وتديها للعنده بذياده
وضاع العمر وراح الشباب والروح فقدت كل الامال والبدن تعب معدش زي الاول يتحمل زي الجمال والزمن جار علينه والبخت مال
وضاع العمر وراح الشباب وتركنا الحياه بس لسه الجسد عايش بيعاني فيها ونفسنا نخلص ونروح بعيد لايكون لينا فيها جسد ولا نستنا منها سعاده