بطلت قصتنا اسمها ريهام لها اخوان احدهم اكبر منها وهو حسام والاخر اصغر منها وهو حسن والدهم كان دكتور طب بشرى وايمانا منه برسالة الطب الانسانيه ترك القاهره واستقر فى قريه نائيه فى حضن الجبل فى صعيد مصر وافتتح عياده لعلاج الفقراء بأجر رمزى حتى ان اولاده الثلاثه ولدوا فى هذه القريه
حسام بعد ان اكمل تعليمه استقر فى القاهره وعمل فى شركه خاصه وتزوج من فتاه قاهريه
اما حسن الاخ الاصغر مازال يدرس وهو فى الصف الثالث الاعدادى
واما عن بطلت قصتنا ريهام فاصبحت مدرسه للمرحله الابتدائيه وعملت فى مدرسه بنفس القريه التى تربت فيها وهى مخطوبه لشاب من نفس القريه ابن عائله كبيره ويعشق ريهام وهى تعشقه جدا واسمه ياسر ويعمل مهندس زراعى لكن زواجهم تأجل بسبب وفات والدة ريهام المفاجئ
وبعد وفات والدة ريهام باقل من سنه والدها توفا فجئه بسبب حزنه على زوجته ورفيقة ضربه واصبحت ريهام وحدها مع اخيها الاصغر حسن
وبعد انتهاء مراسم العذاء جلس ياسر خطيب ريهام معها واخبرها بما انها اصبحت بلا اهل فيجب ان يتزوجوا فى اقرب وقت لانه لايصح ان يزورها وهى تعيش وحدها واخيها صغير السن فيجب ان يتزوجوا بعد الاربعين
وقال لها ياسر يجب ان تعطى اخيكى حسن لاخوكى حسام يعيش معه او تعطى لعمك لانه كما تعرفين لن نستطيع ان ناخذه يعيش معنا فى وسط اهلى فلن يقبل اهلى ان يعيش رجل غريب وسط نسائهم وبناتهم فهذا لا يصح وغير مقبول
فقالت له ريهام بعد اسبوع سوف اذهب الى القاهره واخذه معى واكيد اخى حسام سوف يرحب به
وبعد اسبوع اخذت ريهام اخوها حسن وذهبت الى القاهره وعندما اخبرت اخوها حسام انها تريد ان تترك حسن للعيش معه رفض وعاملها باسلوب مهين ومحرج
فاخذت ريهام اخوها حسن وذهبت الى عمها وقصت عليه ما حدث فعمها عرض عليها ان تبقى حسن للعيش معه هو
ريهام فرحت جدا وقالت انها سوف تبات عندهم ومن الصباح الباكر سوف تنزل الصعيد لتحضر اوراق حسن الدراسيه حتى تقدم له فى مدرسه ثانويه بالقاهره
وبعد نوم الجميع قام حسن للذهاب الى الحمام واثناء مروره من امام غرفة نوم عمه سمع عمه وزوجته يتحدثون عنه
وزوجت عمه تقول له ازاى عايز تجيب ولد يعيش معانا هو احنا مكفين اولادنا حنصرف عليه هو كمان ونعلم ونأكل ونشرب
فرد الزوج وقال لها متخافيش لا حنعلم ولا غيره ده بس يعيش معانا وحتكون كل شغلته يقضى طلبات البيت واشوفله شغلانه فى اى مكان يساعدنا فى المصاريف ونستفاد منه
حسن سمع الكلام ده وجرى على اخته ريهام وحضنها وعيط وقالها ابوس ايدك يا اختى ما تسبنيش هنا خدينى معاكى
ريهام قالت له فى اى حصل مالك
حسن قال لاخته كل الكلام اللى سمعه من عمه وزوجت عمه
ريهام حضنة اخوها حسن وقالت له خلاص متخافش مش حسيبك هنا
حسن قالها يعنى انتى بجد مصدقانى ومش حتسبينى وتمشى
ريهام قالت له طبعا مصدقاك انت اخويه ولازم اصدقك ولو فى احتمال واحد فى الميه لايمكن اسيبك مستقبلك يضيع او اقبل انك تنزل لاى مخلوق
وقبل الفجر ريهام اخذت اخوها حسن وذهبت بدون ان تخبر عمها
وفى الصباح عندما اكتشف العم ذهاب ريهام واخوها اتصل بها على تليفونها الجوال وسألها لماذا اخذت اخوها وذهبت بدون ان تخبرهم
فقالت ريهام انا اخترت اوقف مع اخى لحد ما يخلص تعليمه ويشق طريقه مهما كلفنى الامر
فرد عمها وقال لها انتى مجنونه وقفل الخط
وعند وصول ريهام منزلها اتصلت بخطيبها ياسر وطلبت منه ان يحضر على الفور وفى اقل من نصف ساعه ياسر كان عند ريهام
وعند وصله سالها خلاص سبتى حسن عند اخوكى او عمك
ردت ريهام لا ما سبتوش عند حد ولا مش راح اسيبه
ياسر بس كده مش حينفع اهلى مش حيقبلوا يعيش راجل غريب وسط نسوانهم وبناتهم وبصراحه اكتر انا عن نفسى مش عايزه يعيش معانا
ريهام بس انا مش راح اتخلا عن اخويه مهما كانت النتيجه والصعوبات مقدرش اسيبه يتشرد عشان انا اجوز وانبسط فى حياتى عايزنى يبقا تقبلنى ومعايه اخويه
ياسر عايزك بس لوحدك من غير اخوكى
ريهام مستحيل اسيب اخويه
ياسر يبقا انتى كده عايزه تنهى اللى بينه انا كنت فاكرك بتحبينى ومستعده تضحى باى شئ عشان نكون مع بعض
ريهام انا بحبك اكتر من حياتى انت كل دنيتى وامنيتى فى الحياه انى اكون مراتك وبحبك اكتر من اى حد فى الدنيا اكتر من اخويه نفسه ومستعده اضحى عشانك بأى شئ فى الدنيا بس مش حضحى باخويه عشانك
عارف ليه لان فى حاجه اهم من الحب واجبى واخلاقى ما تسمحش اتخلا عن اخويه حتى لو فيها موتى وانى اعيش تعيسه طول عمرى
ياسر يعنى انتى كده بتنهى كل اللى بينه وبتبيعنى عشان اخوكى هو ده الحب بتاعك انا منتظرك من سنتين انتظرتك تخلصى تعليمك وانتظرتك تتوظفى وانتظرتك بعد ما امك اتوفت وجايه فى الاخر تبعينى
ريهام انا ما بعتكش عايزنى يبقا اخد اخويه معايه غير كده مقدرش والله العظيم بحبك وانت اغلا مخلوق عندى ومش عارفه حكمل كيف حياتى من غيرك بس زى ما قولتلك الواجب اهم من الحب
ياسر انا حسيبك وفى اقل من شهر حجوز بس متفكريش انك حتقدرى تتجوزى من بعدى ولا ان حياتك حتمر بالساهل ولا فيوم حنسا اللى عملتى فيه
ريهام كنت فاكره راح توقف معايه لكنك بعتنى خلاص براحتك وانا مستعده اتحمل كل العواقب وحدى
ياسر ماشى سلام ويتركها ويخرج
ريهام شعرت ان الجميع تخلا عنها اخوها الاكبر حسام وايضا عمها حتى خطيبها تخلا عنها الجميع هرب من مسؤالياته وواجبه لكنها قررت ان تكمل الطريق ولن تتخلا عن واجبها وعن اخيها الصغير مهما كانت الصعوبه والخساره حتى لو اخيها الاصغر حسن تخلا عنها فى المستقبل لن تكون نادمه لانها ستكون فعلة الصحيح الذى يتماشا مع قيمها واخلاقها
اما عن اخوها حسن بحكم الصوت العالى سمع كل الحوار اللى دار بين ريهام وياسر وعرف ان ريهام ضحت بحبها وباغلا شخص عندها عشان رفضت تتخلا عنه وعن واجبها اتجاهه
اما عن ياسر فبعد ان ترك ريهام فى اقل من شهر كان متزوج من فتاه اخرى ولكنه لم يترك ريهام فى حالها فكانت طريق ريهام الى عملها فى المدرسه تمر من امام ارض ياسر الزراعيه فكان كلما رائها تمر من امامه يتعرض لها بالمضايقات الكلاميه
ولم يتركها فى حالها ابدا كان عنده فى ارضه غرفه كاستراحه كان يجلس امامها فى مواعيد ذهاب وعودة ريهام من المدرسه ليضايقها بالكلام الجارح والمهين
ريهام قامت بتأجير عيادة والدها لدكتور اخر وكانت تدخر الايجار وتجمعه حتى عندما يدخل اخوها حسن الجامعه تستطيع ان توفر له جميع احتيجات ومصاريف وطلبات الدراسه الجامعيه
وبعد وصول حسن اخيها الى الصف الثالث الثانوى وتفوقه فى الدراسه كان معه فى نفس المدرسه والصف الدراسى اخ ياسر الاصغر
فقام ياسر بتحريض اخيه على مدايقة حسن شقيق ريهام
فبداء شقيق ياسر بمدايقة حسن ودعوته بالغريب والذى ليس له اصل وبانه يعيش عاله على اخته
حسن ذهب الى المنزل واخبر اخته بما حدث وانه لايريد الذهاب الى المدرسه مره اخره
فقالت له ريهام متبقاش جبان وضعيف ولازم تواجه اى حد وان هدف الولد الذى يضايقه ان يمنعه من تكميل دراسته وقالت له انا بكره رايحه اقابل المدير واتكلم معه فى الموضوع
حسن قال لها لا متعمليش كده لو عملتى كده مش حروح المدرسه تانى
تانى يوم الصبح ريهام قررت تتصرف بدون ما اخوها حسن يعرف
وانتظرت شقيق ياسر على الطريق وعندما رائته نادة عليه وطلبت ان تتحدث معه واخبرته ان تصرفه مع اخيها خطأء واسلوب غير اخلاقى
فرد عليها شقيق ياسر بكل وقاحه وقال لها انا مقولتش غير الحقيقه انتى واخوكى فعلا ملكيش اصل ولا فصل واغراب فين غلطى وقبل ان يكمل كلامه
يفاجئ بضربة كف قويه على وجهه من شاب حسن المظهر
وبعد ان ضرب شقيق ياسر على وجهه قال له كيف تعلى صوتك على الابله ريهام (الاستاذه ريهام) وكيف تقولها ملهاش اصل والدها الله يرحمه الدكتور كان له فضل على اهل البلد كلهم ولو سمعت بعد كده انك دايقتها تانى انا راح اعرف شغلى معاك مفهوم ولا اقول تانى
شقيق ياسر يرد ويقول مفهوم يا استاذ سعد
سعد يقوله اعتزر لابله ريهام (الاستاذه ريهام )
شقيق ياسر بدون تردد يعتزر لريهام
ريهام خلاص حصل خير واتمنا ما تعملش اى مشاكل مع اخويه حسن تانى
شقيق ياسر مش حيحصل تانى اطمنى
سعد يقول لشقيق ياسر يلا روح انت مع السلامه وفعلا شقيق ياسر يمشى بدون كلام
سعد يقول لريهام انا اسف على اللى حصل من قريبى واوعدك ما يحصلش تانى ولو حصل بلغينى وانا اتصرف معه
ريهام شكرته ومشيت بدون ما تساله عن اى شئ
ريهام كانت من بداية العام الدراسى الجديد بتشوف سعد كل يوم فى طريقها للمدرسه فى نفس مواعيد شغلها فى الذهاب والعوده فكان دائما يأتى مشيا من خلفها ويسبقها فى المشى فكانت ترا ظهره اكتر من وجهه ولم يكلمها او ينظر لها ابدا وهى ايضا لم تهتم ان تعرف عنه اى شئ ودى كانت اول مره يحصل كلام بينهم
وبعد مرور اكثر من شهر
اسناء رجوع ريهام من المدرسه وبالقرب من ارض ياسر وامام نظره عربتان اجره يتسابقان فى الطريق وقاربت احداهم ان تصدم ريهام وعندما حاولت ريهام تفادى الصدام سقطت فى الترعه ( المجرى المائى,) الذى بجانب الطريق وياسر رائها ولكنه تركها ولم يحاول ينقذها وكأنه كان يريدها ان تغرق ولكن بسرعه جاء من بعيد سعد وقفذ فى الماء بدون تردد وانقذ ريهام التى كانت قاربت من الموت
وبعد ان اخرجها من الماء شكرته
ولكن سعد اكتشف ان محفظته وكل اوراقه المهمه البطاقه الشخصيه وكارنيه نقابة المعلمين ضاعوا فى الماء
فضحكت ريهام بطريقه بريئه ولا اراديه
فقال لها سعد بتضحكى على ايه
ريهام اصلى انا طلعت اجدع منك
سعد باستغراب قال يا سلام انتى اجدع منى كيف يعنى
ريهام اصلى قبل ما اوقع فى الميه رميت شنطتى بعيد على الارض
فضحك سعد وقال لا فعلا اجدع منى
طيب ممكن تسمحيلى يا اجدع منى اوقف توكتوك واوصلك لحد بيتك لانه ما ينفعش تكملى مشى وانتى غرقانه ميه كده
ريهام حاضر
فقام سعد بايقاف توكتوك واوصلها الى بيتها وشكرته وذهب مباشره بعد ان اوصلها لباب بيتها
وياسر كان قد شاهد سعد قريبه عندما انقذ ريهام وسمع كلامها معه واحترق بنار الحقد عندما ضحكت مع سعد ولكنه ظل ساكت ولم يتدخل
فى صباح اليوم التالى
عند ذهاب ريهام للمدرسه وكعادة كل يوم ولكن هذه المره عندما وصل سعد عند ريهام لما يتجاوزها ويسبقها ولكنه قال لها صباح الخير
ريهام صباح النور
سعد اخبارك ايه النهرده
ريهام الحمد لله تمام نسيت اعتزر لك عن ضياع محفظتك واوراقك امبارح بسببى
سعد عادى ولا يهمك من بكره حعمل غيرهم
ريهام بس ايه كارنيه نقابة المعلمين ده هو انت مدرس زينا
سعد اه انا مدرس ابتدئى فى مدرسه القريه المجاوره لقريتنا مدرستى تبعد اقل من نص كيلو عن مدرستك وبحب اروح مشى
ريهام شكلك بتحب المشى زيى
سعد انا مدمن مشى بس المهم انتى لسه مصممه انك اجدع منى
ريهام تبتسم اه طبعا مصممه
سعد ماشى يا اجدع منى المره الجايه لما توقعى فى الميه قبل ما انزل انقذك راح اخلع الجذمه والساعه واحط المحفظه فى مكان ناشف وامان وكمان الموبايل وبعدها لو فضلتى عايشه ابقا انقذك
ريهام تضحك وتقوله كمان الموبايل بتاعك ضاع شايف عشان تعرف انى اجدع منك بجد
سعد يضحك ويقولها سبحان الله يعنى انا انقذك وفى الاخر تبقى انتى اجدع منى ايه يا بت انتى مالك وفجئه يشعر بالاحراج ويعتزر ويقولها اسف مكنتش اقصد كلمت يا بت فلتت من لسانى غصب عنى
ريهام تضحك وتقوله ايوه كده خاف وحاسب على كلامك معايه عشان لو كررتها تانى راح اطلع المطوه من جيبى واغذك بيها
سعد يضحك ويقولها وكمان عايزه تغذينى بمطوه دا ايه الجبروت ده
ريهام تبتسم ولكنها تسكت وتستغرب فى نفسها ليه هى بتضحك مع سعد بالطريقه دى لان ده تصرف وردة فعل منها عكس طبيعتها
وسعد ايضا تعجب انه تخلا عن هدوئه ورسميته فى التعامل وبيتعامل مع ريهام بالاسلوب ده والبساطه دى رغم ان معرفته بها غير وثيقه وجديده
ريهام تسال سعد هو انت كيف عارف اسمى
سعد ابوكى كان الدكتور الوحيد فى القريه بتاعتنا فكل القريه بتعرفه وتعرف اولاده والكل كان بيحترمه بس انتى اكيد طبعا ما تعرفيش كل القريه ومنهم انا
ريهام كمان تضحك وتقوله تصدق سؤال غبى منى
سعد يقول لها عشان تعرفى انك مش اجدع منى وبتعملى حجات غبيه زى ما انا بعمل عادى يعنى
ريهام بالعكس انك تقفذ فى الميه عشان تنقذنى بدون ما تفكر فى اى حاجه تانى تصرف كله شهامه ومفهوش اى غباء وانا كنت بضحك معاك مش اكتر
سعد والله عارفك بتضحكى معايه
واخيرا ريهام وصلت مدرستها ودعت سعد
وسعد كمل طريقه لمدرسته
ريهام ظلت تفكر فى سعد والطريقه العجيبه التى كانت تتعامل معه بها وقررت انها لايجب ان تسمح لنفسها تنجرف اكثر وراء رغبتها فهى لا تريد تكرار قصتها مع ياسر وخاصه ان سعد قريب ياسر
وسعد ايضا بعد تفكير عميق منه فى ريهام وصل تقريبا لنفس النتيجه وهى انه لايمكن ان يسمح لنفسه بالدخول فى علاقه عاطفيه وكسر العهد الذى اخذه على نفسه بالعيش بلا حب
ومرت الايام
وكان كل يوم كالعاده يمر سعد من جوار ريهام ولكن حصل اختلاف بسيط وهو ان كل واحد منهم يلقى التحيه على الاخر وكان خلف ستار هذا الجمود والجديه والتجاهل اشتياق من كل طرف منهم ان يرا الاخر ويطمئن عليه ويسعد بسماع صوته فى الذهاب والعوده
ومرت الايام وانتها العام الدراسى
وحسن اخو ريهام نجح بتفوق وانها دراسته الثانويه
وعند مرور ريهام من امام ارض ياسر الزراعيه وكان فى انتظارها امام غرفة الاستراحه التى فى ارضه وعندنا رائها ناداها
ريهام انت عايز ايه منى
ياسر سمعت اخوكى خلص ثانوى وراح يقدم كليه
ريهام ايوه بس ده يخصك فى ايه
ياسر طبعا يخصنى بما انه رايح كليه يعنى خلاص كبر وراح يعيش بعيد عنك طول فترة الدراسه ويتعود يعتمد على نفسه
ريهام امر ميخصكش ومش معنى انه راح كليه يعنى خلاص مش راح يرجع فى الاجازه يقعد معايه ولا انا كمان راح اتخلا عن مسؤاليتى عنه
ياسر شوفى انا عايز اجوزك واختارى تعيشى معايه وهو يقضى الاجازه فى بيتكم او تجوزينى وتفضلى عايشه عادى فى بيتك وانا اللى اجى ليكى هناك
ريهام شوف لو انت اخر راجل فى الدنيا لايمكن اجوزك
ياسر ليه مش كنتى بتحبينى
ريهام كنت بس دلوقتى بحتقرك جدا وبكره نفسى لما افتكر انى كنت احب واحد باخلاقك الزباله
ياسر بلاش تقولى كلام تندمى عليه وفكرى فى عرضى ليكى
ريهام اسمع غير انى بحتقرك كمان انت متزوج ست محترمه وجميله جدا اجمل منى بكتير وعندك منها اولاد حرام عليك فكر فى مرتك واولادك وابعد عن طريقى
ياسر مرتى عمرى ما حبيتها وبعاملها اسواء معامله يعنى اطمنى انتى اللى حتكونى فى قلبى وتتعاملى احسن معامله
ريهام يا اخى افهم حل عنى مش طايقه اشوفك اصلا ومستحيل اجوزك
ياسر يضحك ويقول يبقا حتفضلى لاخر عمرك من غير جواز مفهوم
ريهام انت لك ثلاث سنين مطهدنى وسببت لى اذا نفسى ومعنوى واول سنتين بعد ما تركتك كنت كل يومى تخلينى اروح البيت اعيط بالساعتين واكتر بسبب كلامك الجارح والمهين خليتنى كرهتك وبعد ما كرهتك احتقرتك ولما احتقرتك بطلت اكرهك وبطلت اضايق من كلامك التافه
وتذكر له جزئ من بعض كلامه الذى كان يضايقها به
( عانس . حتعيشى وتموتى لوحدك . انا عايش مع اولادى ومراتى مبسوط . بكره اخوكى يعيش حياته ويسيبك لوحدك . مش حتقدرى تجوزى غيرى )
مش مهم اتزوج بس المهم لازم تعرف انى صعيديه اكتر منك ولو ضايقتنى تانى حقتلك مفهوم
وبعدها ريهام تركت ياسر وكملت طريقها
وياسر يضحك بسخريه
اما عن حسن شقيق ريهام
فقد دخل كلية هندسه قسم مكيانيكة سيارات والتحق بسكن للطلبه المغتربين قرب كليته
واصبحت ريهام وحيده فى المنزل
وعند بداية العام الدراسى الجديد تفاجئة ريهام بان سعد قد انتقل للتدريس فى نفس مدرستها
ومع مرور الايام اصبحت توجد صداقه قويه بين سعد وريهام ولكنها مجرد صداقه لا اكثر
ومرة ثلاث سنوات وسعد وريهام فى نفس المدرسه
وكانت ريهام تشعر بحب سعد لها ولكنه لايتكلم عن مشاعره وهى كانت منجذبه له وتشعر انها تحبه ولكنها كانت متاكده ان بحياته سر غامض يمنعه من البوح بمشاعره والدخول فى قصة حب معها وكان عند ريهام تلميذه تحبها هى بنت اخ سعد الاخ الاصغر من سعد
والكثير من المدرسات اخبرو ريهام ان تحزر من صداقتها بسعد فهو مغضوب عليه من اهله ومطرود من منزل ابيه ودائما كان ردها ان الاستاذ سعد شخص محترم ولايتعدا حدود الادب معها او مع غيرها فمن منكم تعرضة لاى مضايقه منه تخبرنا لناخذ حزرنا منه
واعتقدة انه قد يكون عدم بوح سعد بحبه لها هى مشكلته مع اهله وطردهم له من المنزل
وفى احد الايام كانت ريهام جالسه فى غرفة المدرسين ومعها التلميذه ابنة اخ سعد
وبالصدفه دخل سعد الغرفه فوجد بنت اخوه فسلم عليها
وسألها اخبار ستك وسيدك ايه (جدتك وجدك )
البنت كويسين وستى كل يوم بتسالنى شوفتى عمك سعد ولا لا
سعد للبنت قولى لستك بشوفه كل يوم وهو بخير ويلا روحى على فصلك الحصه بدائة
البنت حاضر ومشيت على فصلها
سعد قعد ساكت متكلمش ولا كلمه مع ريهام وظهر على وجه علامات الحزن
ريهام كلمته وقالت له طاب بدل ما انت مدايق كده روح لاهلك وصالحهم يمكن يرضو عنك ويسامحوك ويقبلوا يرجعوك البيت واضح ان مماتك لسه بتحبك ومش غضبانه عليك ولا اتبرت منك
سعد مامتك اخيرا ظهر عليكى العرق القاهرى
ريهام انا دلوقتى بتكلم جد
سعد ضحك وقالها طاب مش يمكن انا اللى غضبان منهم وتارك لهم البيت
ريهام اسفه بس سمعت غير كده وكنت فاكره ان اهلك غضبانين عليك وطاردينك من البيت
سعد تصدقى حتى انا سمعت كده واكتر من شخص يسالنى اهلك ليه غضبانين عليك وطاردينك
كل الناس برد عليها ان مفيش حاجه بس انا حابب اعيش لوحدى بعيد عنهم
لكن انتى حقولك القصه كامله
ريهام قول انا فاضيه معنديش حصص وسمعاك
سعد الحكاية بدئة لما كنت بحب بنت من اوله جامعه البنت من نفس قريتنا بس من عيله فى بينها وبين عيلتى خلفات ومنافسات المهم
بعد امتحانات اخر سنه كليه اتفقت انا وهى نروح نشوف النتيجه فى نفس اليوم عشان نتقابل هناك
وفعلا ده حصل
وبعد ما شوفنا النتيجه ونجحنا انا وهى
وقفنا نتكلم ونضحك وانا كنت ماسك ايدها لقيت ايد واحد بتتمد وتسحب ايدها من ايدى اتاريه ابن عمها وقبل ما انطق بنص كلمه قالى ولا كلمه والا حتبقا فضيحه واضربها بالنار ( الرصاص ) هنا قدامك فانا سكت وهى مشيت معه وهى مرعوبه بدون مقاومه
انا جريت على ابويه وطلبت منه يروح يخطبها فى البدايه رفض لانه بيكره ابوها
وفضلت اسبوع اترجاه والح عليه عشان يوافق ولما وافق خليته بعت امى ليهم فى نفس اليوم تفتح معهم كلام قبل ما ابويه يروح يخطبها منهم رسمى
ولما امى راحت بس دخلت البيت وسمعت زغاريد فبتقولهم خير انشاء الله الف مبروك
ام حبيبتى ردت انشاء الله خير اصلى بنتى اتخطبت لابن عمها
امى اخدتها على جنب وقالت ليها بس احنا عايزينها لسعد ابنى
ام حبيبتى على فكره احنا استنناكم اسبوع تيجوا تخطبوها ومحدش منكم جه فابن عمها قال انا مستعد اتستر على عارها واجوزها
امى بس خلاص لا عار ولا غيره احنا عايزنها والبنت شريفه ومحترمه واللى حتطلوبه راح نجيبه
ام حبيبتى انتى عارفه انه خلاص منقدرش نرجع فى كلمتنه مع ابن عمها حنتفضح فى البلد كلها وخلاص قولى لولدك ملهوش نصيب عندنا
امى رجعت البيت وحكت لنا كل اللى حصل انا ووالدى وانا من بعدها غضبت منهم وتركت البيت وروحت سكنت فى بيت جدى القديم
ريهام بس يعنى اللى حصل مش نهاية العالم وخصوصا والدك وافق ومش غلط والدك ان اهلها اتسرعوا وجوزوها لابن عمها
سعد طاب استنى اكملك باقى القصه
ريهام كمل سمعاك
سعد بعد سنتين جانى جواب من حبيبتى كتبالى فى عن كل معناتها وتعذيب ابن عمها ليها من اول يوم جواز وضرب واهانه كل يوم لحد ما اصابها مرض السلطان بعد سنه جواز
وفى اخر الجواب كتبتلى لما انت مش كد الحب كنت بتحبنى وتخلينى احبك ليه
لما انت مش كد وعدك بتوعدنى بالجواز ليه
خليتنى احبك واصدق وعدك وفى الاخر سبتنى فى نار جهنم لوحدى
لو سبتنى من غير حب لو سبتنى من غير وعد
كان عشت زى اى بنت واجوزت جواز تقليدى وعشت زى باقى الناس بسلام
دمرتنى بحبك ووعدك الكداب وانت طبعا عايش حياتك واكيد راح تجوز وحده تعجبك وتعجب اهلك
على فكره انا مش مسمحاك
ويكمل سعد كلامه وبعد شهر من الجواب ده اتوفت وتركت عالمنا
وبعدها انا مقدرتش اقعد فى البلد اخدت اجازه بدون مرتب وسافرت الخليج سنتين مرتحتش هناك ورجعت تانى البلد
هى دلوقتى متوفيه ليها اكتر من ست (٦) سنين وقبلهم سنتين جوازها يعنى انا بعانى ليه اكتر من ثمانية (٨) سنين
ريهام تقوله ياااااه انت سعدى
سعد انتى كيف عرفتى الاسم ده (سعدى)
ريهام طاب كمان حبيبتك اسمها نعمه والجواب اللى بتقول بعتته لك مكنش جواب ده كان كراسه (٢٤)ورقه مكتوبه من الجلده للجلده
سعد ايوه مظبوط وكمان هى بس اللى كانت تنادينى سعدى
ريهام طاب اكيد انت عارف ان بيت زوجها كان قدام بيتنه على طول يعنى جيران الباب فى الباب
سعد عارف بس مكنتش فاكر انها صاحبتك وحكتلك
ريهام اه حكتلى كل حاجه وتاركه لك امانه عندى من قبل وفاتها باسبوع
سعد ومخليه الامانه عندك ليه لحد دلوقتى وما قولتيش ليه عليها
ريهام لانى مكنتش اعرف انك انت سعدى
سعد كيف يعنى متعرفيش
ريهام نعمه كانت تحكى عن حبيبها باسم سعدى عمرها ما قالت سعد وانا كنت فاكره ان اسم سعدى ده الاسم الحقيقى لحبيبها
سعد طاب ايه الامانه بالظبط
ريهام استنه
سعد حاضر احكى براحتك
ريهام اخر اربع شهور من حياة نعمه تقريبا قضت اغلبهم عندى فى البيت كنت لسه متخرجه جديد من الكليه ومستنيه التعين وقاعده فاضيه طول الوقت ووالدتى كانت متوفيه من كام شهر ومحتاجه اى حد اتكلم معاه
سعد ها كملى
ريهام وزوج نعمه كان بيضربها وقاسى جدا معها وكانت بتصعب على حماتها فكانت كل يوم بس يخرج زوجها من البيت حماتها تبعتها عندى وتقولها روحى اقعدى براحتك فكى عن نفسك
ونعمه كانت بتقعد معايه تحكيلى كل مشاكلها وهمومها وتقريبا كل تفاصيل حياتها
وحكتلى عن الجواب اللى بعتته لك هى مكنتش تعرف انك بعت اهلك يخطبوها
سعد معقول مكنتش تعرف
ريهام ايوه وبعد ما بعتت الجواب باسبوع عرفت من امها ولما عرفت ندمت جدا على الكلام اللى بعتته لك وكانت عايزه تقولك انها مسمحاك باى طريقه لانها كانت متاكده ان ضميرك حيوجعك من الكلام اللى بعتته لك فى الجواب
سعد انتى متاكده انها سامحتنى وكانت عايزه تقولى مسمحاك
ربهام ايوه بس خلينى اكمل
سعد كملى
ريهام المهم بعد ما عرفت باسبوع فى يوم قبل غروب الشمس باب بيتنا خبط فتحت لقيت نعمه وقبل ما تدخل عندى من سواء الحظ جوزها كان راجع بدرى عن ميعاد كل يوم وشافها فنده عليها قالها بتعملى ايه عندك نعمه قالت له بسأل ريهام على طلب وجايه على طول
جوزها وقف واستناها فهى طلعت جواب واعطته لى بدون ماجوزها يلاحظ وقالت لى بصوت واطى عايزاكى توصلى الجواب ده لسعدى
انا قولت لها طاب اوصل لسعدى كيف
وقبل ما نعمه تنطق بكلمه جوزها صرخ فيها ما تخلصى وبطلى ودودة نسوان وتعالى ايه حستناكى سنه
فهى خافت وقالت لي بصوت واطى بكره حاجى اقولك كل المعلومات عنه وكيف توصلى له ومشيت بسرعه عشان تروح لجوزها لانها كانت تترعب منه
ومن وقتها مجتش عندى تانى وبعدها باسبوع اتوفت الله يرحمها من غير ما اعرف منها كيف اوصل لسعدى ولا هو ابن مين واسمه الحقيقى ايه
وبعد وفات نعمه عرفت ان جوزها بعد ما اخدها من عندى نبه على امه ان لو نعمه خرجة تانى فى غيابه راح يقتلها ويدخل فيها السجن فامه خافت فعلا يقتل نعمه ويتسجن فمنعتها تخرج وعشان كده مقدرتش تيجى تقولى اوصلك كيف
سعد طاب وانتى لسه محتفظه بالجواب من ست سنين فاتوا
ريهام طبعا لانه امانه ده انا سألت كل البلد على اى شخص اسمه سعدى والكل يقول مفيش حد فى بلدنا بالاسم ده ولحد هذه اللحظه بسأل عنه المصيبه انى سألت الناس كلها عن سعدى الا انت رغم ان احنا بنكلم بعض واصدقاء من اربع سنين
سعد عشان مكتوبلى اتعذب اربع سنين زياده
المهم هاتى الجواب
ريهام مش معايه دلوقتى شيلاه فى البيت
سعد خلاص النهرده اوصلك لحد بيتك واخد منك الجواب وامشى على طول
ريهام حاضر ياعم المستعجل انت
سعد وصل ريهام لحد بيتها واخد منها الجواب ولما وصل بيته فتح الجواب بلهفه
نعمه كاتبه فى الجواب
حبيبى وسعدى بعتذر لك عن كلامى فى الجواب السابق لانى مكنتش اعرف الحقيقه كنت معتقده انك خدعتنى ولعبت بيه المهم انا مسمحاك من كل قلبى واتمنا انك تعيش حياتك سعيد على الاقل واحد فينه يدوق طعم السعاده وصدقنى ده راح يسعدنى ان كنت حيه ويريحنى ان كنت ميته ياريت تكون فهمت قصدى لازم تعيش سعيد
وفى الختام اتمنالك كل شئ جميل وسعيد فى الحياه
وانتها الجواب
وسعد شعر براحه كبيره وكأن جبل من الهموم انشال عن قلبه
وبعد مرور اسبوع كان سعد جالس مع ريهام فى غرفة المدرسين لوحدهم فنظر سعد لريهام نظره طويله وعميقه اشعرت ريهام بالخجل الشديد
وقالت مالك بتبصلى كده ليه
سعد انا قاعد ساكت لبعدين تطلعى المطوه من جيبك وتغذينى
ريهام ياااه هو انت لسه فاكر
سعد طبعا انا فاكر كل كلمه قولتيها لى يا اجدع منى انتى
ريهام تضحك وهى تشعر بخجل من نظرات سعد واسلوب كلامه وتقول اغذك بمطوه واجدع منك لا ده انت فاكر كل حاجه بجد
سعد ينظر فى عيونها طبعا فاكر هو انتى كان عندك شك
ريهام تذداد خجل وتنظر فى الارض وتشعر بارتباك وتقول لسعد انت عايز ايه منى مالك النهرده
سعد عايز اجوزك ممكن ولا عندك مانع
ريهام وهى مرتبكه تجوزنى كيف يعنى
سعد هههههه زى الناس اجيب اهلى يخطبوكى ومأزون وشهود وفرح ومعازيم وبعدها نخلف صبيان وبنات ونعيش فى تبات ونبات
ريهام انت مجنون اهلك مش حيوافقوا انا غريبه ومليش اى اهل هنا غير انى ظروفى صعبه لسه مقدرش اجوز غير بعد ما اخويه يخلص تعليمه وكمان معنديش اى شئ من الجهاز عشان اجوز بيه كل قرش بيدخل جيبى بصرفه على تعليم اخويه
سعد ريهام انا بحبك انتى بتحبينى
ريهام لا مش بحبك انا بموت فيك
سعد خلاص اتحلت اهلى نفسهم ارجع اعيش معاهم ونفسهم اجوز واخلف راح يوافقوا على اى وحده انا عايزها المهم تكون محترمه واصيله وانا مستعد استناكى لحد ما اخوكى يخلص تعليمه وتطمنى عليه
اما عن جهازك والكلام العبيط ده انا مش عايز منك حاجه انا عايزك انتى وانا متكفل بكل حاجه بس عايزك انتى حتى من غير شنطت هدومك حتى من غير هدوم عليكى
ريهام تخجل وتقول يا قليل الادب من غير هدوم كيف راح اطلع المطوه وانت عارف
سعد خلاص بضحك معاكى يعنى كان قصدى ان انا عايزك لشخصك واخلاقك ومش مهم يكون معاكى شى حتى لو معكيش هدوم انا حجبلك هدوم
ريهام خلاص فاضل سنه وحسن اخويه يخلص كليه بعدها هات اهلك براحتك
سعد انا اسعد مخلوق فى الدنيا
ريهام وانا كمان
سعد على فكره انا بحبك من اربع سنين مش من دلوقتى
ريهام على فكره انا عارفه
سعد وعرفتى كيف يا جدعه انتى
ريهام اصلى كان كل تصرفاتك وكلامك مع كل الناس عاقله ومتزنه الا معايه انا تصرفاتك كانت عبيطه وتشعر كده انها صادره من مجنون رسمى
سعد انا تصرفاتى عبيطه اتلمى يا بت والا انا اللى راح اغذك بالمطوه
ريهام تضحك ايوه تصرفاتك عبيطه معايه انا بس وده كان بيسعدنى
سعد ماشى ماشى اذا كانت بتسعدك انا مسامحك على فكره انا حرجع بيت اهلى من بكره وحكلمهم عنك وبعد الجواز حنعيش معهم ولا انت حابه نعيش فى بيت منفصل لوحدنا
ريهام بالعكس انا من بعد وفات والدى وانا حاسه بالوحده وامنية حياتى اعيش فى وسط اسره كبيره وعيله تهتم بيه وتحبنى
سعد تمام كده متفقين
وتمر الايام والعام الدراسى يخلص وحسن شقيق ريهام ينجح فى الكليه بتفوق ولانه كان موهوب وبيعمل تصاميم سياريات ويرسلها لشركات ومصانع انتاج السيارات العالميه وتصاميمه كانت بتلاقى اعجاب كبير من الخبراء كان عنده عروض عمل فى اكبر مصانع السياريات خارج مصر وكان منتظر يخلص دراسه ويسافر للعمل بره وريهام كان عندها علم بكل مخططات حسن لمستقبله وكانت سعيده من اجله
سعد يتفق مع ريهام على ميعاد يروح يخطبها فى ويتزوجو قبل سفر اخوها حسن
وكان الاتفاق انه راح يتقدم لخطبتها بعد يومين حسن سوف يحضر من القاهره غدا فى المساء وهما سيذهبون لخطبتها فى اليوم التالى ايضا فى المساء والخبر انتشر فى المدرسه
فاحد الزملاء فى اليوم التالى بعد خروجه من المدرسه شاف ياسر خطيب ريهام السابق موجود فى ارضه الزراعيه فذهب وسلم عليه واخبره بالامر وبميعاد الخطبه لانه كان يحقد على سعد وكان يعلم جيدا بان ياسر يضايق ريهام ولا يريدها تتزوح من غيره
ياسر عندما علم غضبا جدا
واتصل على ريهام من رقم تليفون غريب غير رقم تليفونه لان ريهام لاترد عليه ان رن عليها من رقمه
ريهام الو مين
ياسر ايه مش عارفه صوتى خلاص نستينى
ريهام انت عايز منى ايه حل عنى
ياسر عايزك تبلغى سعد انه ما يجيش يخطبك ويلغى الفكره دى من دماغه وانك مش بتحبى
ريهام انت اجننت يا اخى طلعنى من دماغك وانسانى
ياسر لو معملتيش زى ما بقولك انا بكره الصبح حروح لاهل سعد واقولهم انى فسخت خطوبتى منك لانك طلعتى بنت مش تمام وفيكى كذا وكذا وحصل بينى وبينك كذا وكذا ووقتها لو سعد انتحر قدام ابوه
ابوه مش راح يوافق عليكى ابدا وراح يتبرا من سعد لو صمم عليكى
ريهام ربنا ينتقم منك يا حقير
ياسر الساعه تسعه بالليل حكون قاعد فى ارضى مستنى منك تبلغينى ان الخطوبه دى اتلغت مفهوم والا بكره الصبح راح انفذ تهديدى
ويقفل الخط فى وجه ريهام
ريهام تنهار من العياط ومش عارفه تعمل ايه وتظل تعيط حتى المساء وفجئه وصل اخوها حسن وشافها منهاره من العياط وفضل يسألها مالك فى ايه اكتر من ساعه وهى رافضه تقول مالها
حسن لما فقد الامل انها تتكلم جاب السكينه وحطها على قلبه وقال اقسم بالله لو ما اتلكمتى وقولتى فى ايه اموت نفسى قدامك دلوقتى
ريهام حتعمل ايه حرام عليك
حسن يلا اتكلمى
ريهام حاضر وتحكى لحسن عن تهديد ياسر لها
حسن بص فى ساعته شاف ان الساعه قاربت من الساعه تسعه فقالها انا رايح اتفاهم معه بنفسى
ريهام حاولت تمنع حسن واخدت منه السكينه لكنه قدر يفلت منها ويخرج بسرعه
ريهام فكرت مفيش قدامها حل غير تتصل بسعد يساعدها
وفعلا اتصلت بيه وقالت له ان اخوها حسن رايح لياسر وخايفه حد فيهم يقتل التانى وان هى فى الطريق رايحه تلحق اخوها حسن
سعد قال لها انا ثوانى وحكون هناك
حسن وصل عند ياسر وقاله ابعد عن اختى سيبها تعيش حياتها انت لك سنين تدايقها وانا عارف وساكت لكن مش راح اسمحلك تدايقها تانى مفهوم
ياسر انت يا عيل تافه حتقدر توقف فى وشى اجرى يا شاطر ارجع مطرح ما جيت احسنلك اصلا انت السبب فى كل ده وانا نفسى اخلص عليك بس مستنى بعد ما اجوز اختك
حسن تجوز مين يا كلب ويضرب ياسر كف على وجهه
ياسر يطلع مطوه من جيبه ويحاول يطعن بيها حسن لكن حسن يصد الطعنه ويمسك ايد ياسر لكن ياسر يضغط بكل قوته عشان المطوه تخترق صدر حسن
وحسن يقاوم بكل قوته ويحاول منعه وفى هذه اللحظه تصل ريهام وبدون تفكير تعض باسنانها وبكل قوتها يد ياسر فجعلته يصرخ والمطوه تسقط من ايده على الارض
فيغضب ياسر ويضرب ريهام كف على وجهها فتقع على الارض بجوار المطوه
ولكنه يتفاجئ بوصول سعد وينهال سعد على ياسر بالضربات
وما كان من ياسر الا ان يدخل غرفة الاستراحه وهو يجرى هاربا من سعد وسعد يدخل خلفه ويتفاجى سعد ان ياسر اخرج طبنجه ( سلاح نارى ) من دولاب موجود فى غرفته ووجهه على صدر سعد وقال له تعرف ياقريبى انا بكرهك من زمان حقولك سر فاكر نعمه حبيبت القلب بتاعت زمان انا كنت بحبها ولما عرفت انها بتحبك انا اللى اتصلت بابن عمها وخليته يروح وراها الكليه ويشوفها معاك ايوه ما تستغربش انا اللى دمرت حياتها وحياتك وكنت بستمتع وانا شايفك بتتعذب ومدمر كل السنين اللى فاتت وبعد ما عرفت ان ريهام بتحبك كرهتك اكتر ايه يا اخى كل ما احب وحده تاخدها منى انت لازم تموت انت وريهام واخوها كمان عشان ارتاح منكم
سعد انت مجنون انت عارف انك مش حتفلت بعملتك
ياسر لا حفلت محدش يعرف انكم هنا عندى واسناء كلام ياسر مع سعد
سعد كان يدور حول ياسر
وياسر كان يستدير مقابل سعد فاصبح ظهر ياسر لباب الغرفه ولا يستطيع رؤية الاتى من الخارج
وسريعا وبدون اى مقدمات ياسر يشعر بطعنه اخترقت قلبه من الخلف وينظر خلفه ويجدها ريهام نعم هى ريهام من طعنته الطعنه القاتله ويسقط على الارض مفارق الحياه
وسريعا سعد ياخذ ريهام ويخرج من الغرفه وحسن معهم ويعودون الى منزل ريهام
سعد يطمن ريهام انسى كل حاجه واحنا حنمشى فى حياتنه زى ما كونه متفقين
ريهام متردش
سعد بكره المسا حجيب اهلى واجى مش عايز اى حاجه تبان عليكى انتى وحسن مفهوم
ريهام ان قتلت بنى ادم
سعد مكنش بنى ادم ده مخلوق قذر وانتى اتحملتى من وساخته كتير غير انك انقذتى حياتى وحياتك وحيات حسن
خلاص اجهزى لبكره
ريهام تهز راسها حاضر
وتمر الاحداث عاديه ولم يعلم اى احد من الذى قتل ياسر ولماذا
وسعد تزوج ريهام وعاشو فى سعاده وانجبو اطفال وحسن سافر للعمل فى دوله اجنبيه واصبح شخص ناجح فى حياته واعتمد على نفسه
وهنا انتهت قصتنه
اتمنا تكون اعجبتكم
تأليف :::::::: روماني حبشي
