قصة اليوم عن الخيانه الالكترونيه
ابطال قصتنه حمدى وزوجته امينه وخالد وزوجته وفاء
كان ابطالنا الاربع يعيشون حياه هادئه وروتنيه جدا ولكنهم كانو راضون عن وضعهم ولم يعترض احدهم على طريقة حياته او معاملة الشريك الاخر له
وتبداء قصتنا
عندما قرر الازواج الاربعه دخول عالم التواصل الافتراضى على الفيس بوك
حمدى اضاف وفاء زوجة خالد صديقه له على الفيس
وايضا
خالد اضاف امينه زوجة حمدى صديقه له على الفيس
وبعد فتره من الصداقه على الفيس بوك حمدى اعجب بمنشورات وفاء زوجة خالد على الفيس وهى ايضا اعجبت بمنشوراته
ومن العجيب ان فى نفس الوقت خالد ايضا اعجب بمنشورات امينه زوجة حمدى وهى ايضا اعجبت بمنشوراته
حمدى تشجع ودخل على الخاص اتكلم مع وفاء مرات خالد
واتعرفوا على بعض كل طرف فيهم ابدا اعجابه الشديد بمنشورات الطرف الاخر ورقى احساسه وان ياريت شريك حياته بنفس الاحساس والشعور
وايضا
خالد تشجع ودخل على الخاص اتكلم مع امينه مرات حمدى
واتعرفوا على بعض وكل طرف فيهم ابدا اعجابه الشديد بمنشورات الطرف الاخر ورقى احساسه وان ياريت شريك حياته بنفس الاحساس والشعور
وبعد فتره من محادثات خالد وامينه مع بعضهم كل طرف احب الاخر
وايضا
وبعد فتره من محادثات حمدى ووفاء مع بعضهم كل طرف احب الاخر
وفى احد الايام دار هذا الحديث بين حمدى ووفاء زوجة خالد
حمدى : وفاء حياتى انا بموت فيكى وخلاص مش قادر اكمل حياتى من غيرك
وفاء : انا كمان بعشقك وخلاص مش قادره اعيش من غيرك
حمدى : انا لقيت فيكى الست اللى بدور عليها كل حياتى
وفاء : انت انسان حساس وبتهتم وبتقدرنى وطول الوقت بتعبر لى عن مشاعرك وحبك
حمدى : ده الطبيعى لانك انتى رقيقه وحساسه وتستحقى اهتم بيكى طول الوقت مش عارف ازاى زوجك مش مهتم بيكى
وفاء : انت عكسه تمام ده حيوان طول اليوم فى الشغل يا اما قاعد قدامى وبيرغى مع اصحابه على الفيس بوك
حمدى : معقول سايب وحده برقتك واحساسك وبيحكى مع اصحابه على الفيس بجد وضعه نفس الحيوانه اللى عندى
وفاء : بصراحه انا مش مقتنعه ان وحده عندها زوج زيك حنون وحساس وكل الستات بتحسدها عليه وهى الحيوانه مش مهتمه بى خالص وبترغى مع صحباتها على الفيس بوك
حمدى : بجد احنا خساره فيهم وانا قررت انى اطلق امينه وانتى تطلقى من خالد ونجوز ونعيش فى سعاده
وفاء : انا عشان بحبك راح اتخلا عن زوجى واولادى واطلق ونجوز لان خلاص الحياه مع الحيوان ده لا تطاق ومن غيرك حنتحر انا بقرف منه
حمدى : خلاص اتفقنا انا من بكره حطلق امينه
وفاء : انا من بكره حطلب الطلاق من خالد
وايضا
وفى احد الايام دار هذا الحديث بين خالد وامينه زوجة حمدى
خالد : امينه حياتى انا بموت فيكى وخلاص مش قادر اكمل حياتى من غيرك
امينه : انا كمان بعشقك وخلاص مش قادره اعيش من غيرك
خالد : انا لقيت فيكى الست اللى بدور عليها كل حياتى
امينه : انت انسان حساس وبتهتم وبتقدرنى وطول الوقت بتعبر لى عن مشاعرك وحبك
خالد : ده الطبيعى لانك انتى رقيقه وحساسه وتستحقى اهتم بيكى طول الوقت مش عارف ازاى زوجك مش مهتم بيكى
امينه : انت عكسه تمام ده حيوان طول اليوم فى الشغل يا اما قاعد قدامى وبيرغى مع اصحابه على الفيس بوك
خالد : معقول سايب وحده برقتك واحساسك وبيحكى مع اصحابه على الفيس بجد وضعه نفس الحيوانه اللى عندى
امينه : بصراحه انا مش مقتنعه ان وحده عندها زوج زيك حنون وحساس وكل الستات بتحسدها عليه وهى الحيوانه مش مهتمه بى خالص وبترغى مع صحباتها على الفيس بوك
خالد : بجد احنا خساره فيهم وانا قررت انى اطلق وفاء وانتى تطلقى من حمدى ونجوز ونعيش فى سعاده
امينه : انا عشان بحبك راح اتخلا عن زوجى واولادى واطلق ونجوز لان خلاص الحياه مع الحيوان ده لا تطاق ومن غيرك حنتحر انا بقرف منه
خالد : خلاص اتفقنا انا من بكره حطلق وفاء
امينه : انا من بكره حطلب الطلاق من حمدى
وفعلا فى اقرب وقت تم طلاق حمدى وامينه وطلاق خالد ووفاء
وبعد شهور العده
تزوجة امينه من خالد وتزوجة وفاء من حمدى
وبعد شهر واحد من الزواج اكتشفت امينه انا خالد مثله مثل زوجها السابق حمدى بل الوضع اسواء فهى الان محرومه من اولادها وتربى اولاد امرائه اخرى
واكتشف خالد ان امينه لاتختلف فى شئ عن زوجته السابقه وفاء بل الوضع اذداد سواء فهى لا تحب اولاده ولا يطمئن عليهم معها
وايضا
وبعد شهر واحد من الزواج اكتشفت وفاء انا حمدى مثله مثل زوجها السابق خالد بل الوضع اسواء فهى الان محرومه من اولادها وتربى اولاد امرائه اخرى
واكتشف حمدى ان وفاء لاتختلف فى شئ عن زوجته السابقه امينه بل الوضع اذداد سواء فهى لا تحب اولاده ولا يطمئن عليهم معها
فقرر خالد ان يجد سعادته فى علاقات على الفيس ولكن هذه المره بغرض التسليه وايضا زوجتة امينه اخذة نفس القرار بعد سقوط علاقة الطرفين فى بئر الاهمال كما حدث مع علاقات زواجهم السابقه
ايضا
فقرر حمدى ان يجد سعادته فى علاقات على الفيس ولكن هذه المره بغرض التسليه وايضا زوجتة وفاء اخذة نفس القرار بعد سقوط علاقة الطرفين فى بئر الاهمال كما حدث مع علاقات زواجهم السابقه
وهنا تنتهى قصتنا
كتبها ::::: روماني حبشى
ملاحظه::::: اى علاقه زوجيه تستحق العديد من محاولات الاصلاح قبل ان يتخذ قرار بهدمها
وكم من علاقات هدمة بسبب علاقات غير حقيقيه على مواقع التواصل الاجتماعى قد يكون الطرف الذى يعطيك كل الحب والاهتمام على موقع تواصل اجتماعى هو نفس الشخص الذى يهمل شريك حياته ويفعل نفس الافعال التى انت تكرهها فى شريك حياتك
فيا صديقى وصديقتى لا تنخدع ولا تنجر وراء علاقات زائفه وغير حقيقيه واعطى شريكك فرصه وحاول اصلاح الخلل فى علاقتك الحقيقيه قبل ان تنجرف وراء علاقه افتراضيه قد يكون نتاجها اسواء بكثير من واقعك الذى ترفضه
واخيرا اتمنا التوفيق والسعاده والاستقرار لجميع الاسر
امضاء : روماني حبشي
ليست هناك تعليقات:
إرسال تعليق