صعيدى سبع فارس زماني وخايل فى لف العمامه
مولود من بطن امي بطل ولايقه عليه الزعامه
بساعد الكل اصلى معجون بمية الشهامه والمرجله على جبيني علامه
صعيدي طيب واحب الكل وما احلاها على وجهى الابتسامه
كريم وبالكرم والجود عن قديم الجدود معروف
صعيدي واصلي معروف وبالاصل الطيب عن جد جدى موصوف
ضميري ابيض ورؤف وامد يدي للكل بالمعروف
النيه صافيه وقلبي طيب وبعامل الكل بالطيب
صعيدي ومصر مبينه على كتافى دوست على ترابها الحامى بقدمى الحافى
بنيت عماراتها واسست مصانعها وزرعت ارضها وصنت عرضها
صعيدي عند الحق اسد وعينى قويه ولايمكن اسمح لحد يدوس عليه
بولع الدنيا نار لو حد على كرامتى جار اصلي احنا صعايده ولازم ناخد التار
الطيب بيتحول لجبار لو شيطانك وزك تلعب مع صعيدى باستهتار
صعيدي وطبعي من طبع شمسي حامي عن عرضي وارضي ادافع واحامي
ويارب استر يا ستار دمي بيغلى نار وعينى تطق شرار لما بغار
صعيدى وليه الفخر وعارف انكم على عاداتى بتلمونى وبالقسوه بتتهمونى بس لو عشتوا معايه فى الصعيد يوم واحد كنتوا راح تفهموني وكمان تحبونى وفى طبعى وعاداتى راح تأيدونى
صعيدى ايوه انا صعيدى سبع فارس زماني وخايل فى لف العمامه
كلمات : روماني حبشي