واكتشفت ياقمر

واكتشفت ياقمر انى متعلق فى خيوط حبك بين السما والارض مش قادر المح السما ولا بعينى شايف الارض

واكتشفت ياقمر انى لا طاير فى السما طليق حر ولا ماشى زى الناس عالارض وعايش حالى لايسر

الناس من حواليه فى كل الارض ماشياها بالطول وانا عكس الكل ماشيها بالعرض

ماشى فى حبك مسطول مش عارف للدنيا طول من عرض هما خطوتين واوقع طريح عالارض

واكتشفت يا قمر انك بعيد بعيد ولاعمرك حسيت بالدمع اللى عشانك كان بيفيض ويفيض

اه لو تعرف ايه عمل الزمان معايه من قسوه وظلم شديد كسر قلبى اللى كان حديد

ودارت الايام واكتشفت انى فى الحب كنت وهمان وفى غير حقى كنت عشمان


وبعد ما اديت قلبك الامان قلبى على قلبك هان وباع قلبى وخان اتارى قلبك زى الزمان ملوش امان

وبعد ما ربطت قلبى بخيوط الهوا وعلقته فى قلبك وكنت فاكرك انت الشفا انت الدوا انت الحب انت الهوا

غدرة حبى قصيت بايدك خيوط الهوا وسبت قلبى من سابع سما على الارض سقط وهوا

واكتشفت ياقمر انك لا كنت الحب ولا الهوا ولا كنت الشفا ولا الدوا

واكتشفت ياقمر انك انت عله بلا دوا انت وهم عشته كنت فاكره الحب والهوا


كلمات ::::: روماني حبشي