حسونه الفهلوى 2

حسونه كان قاعد على القهوه
المهم هو وعلى القهوه شاف واحد غريب فراح شد كرسى وقعد عليه جار الاخ الغريب وقاله انت مين وعايز ايه بلهجه عنيفه لدرجت ان الراجل ارتعب قاله انا فلان الفلانى ولسه جاى من بلدنا وبدور على مكان اسكن فى وقاعد هنا عشان مستنى السمسار يودينى شقه كان قايلى عليها وبعدين الراجل الغريب قال ممكن اعرف حضرتك مين فرد حسونه وقال له ان حسونه كبير المنطقه دى كلها ومفيش حد هنا يقدر يتنفس من غير شورتى ولا حد هنا يقدر يسكن من غير ما انا اديله اذن عشان انت تسكن فى منطقتى لازم اكون انا رضيان عنك فاهم يعنى ايه يعنى المعلم حسونه يقولك اسكن هنا تحت حمايتى مفهوم فالراجل قاله بس محدش قالى حاجه عنك او حتى ادانى فكره عن الموضوع كنت جيت لحد عندك فحسونه قال هو فى حد يجرئ يزكر اسمى فى غيبتى دنا كونت قطعت لسانه فالراجل الغريب ارتعب جدا وخاف وراح حاطط ايده فى جيبه وطلع مبلغ 500 جنيه واداهم لحسونه وقاله انت كده راضى عنى يا كبير يا سيد المعلمين حسونه قال لسه شويه كمان ونفش ريشه على الاخر فالراجل تمتم فى نفسه وحط ايده فى جيبه وطلع 100 جنيه كمان واداهم لحسونه الفهلوى حسونه اخد الفلوس وقعد واخد راحته وفضل يحكى عن بطولاته وانه ضرب عشره وكسر قسم شرطه وانه اى حد يترعب يوقف قدامه وفجائه جه واحد يجرى وقاله الحق يا ض يا حسونه استخبه ابو سنه اللى شهدت عليه فى المحكمه السنه اللى فاتت طلع النهرده وجاى ومستحلفك انه يخلص عليك وحسونه سمع اسم ابو سنه وركبه خبطت فى بعض وحيجرى لكن ملحقش لان الغريب مسك فى وقاله طالع فلوسى يا نصاب يا حرامى حسونه سبنى ابوس ايدك ابو سنه حيموتنى حسونه مستعجل معندهوش وقت حتى انه يحط ايده فى جيبه ويطلع الفلوس والغريب مسك فى مش ناوى يسيبه غير لما ياخد فلوسه وفجائه ايد زى المرزبه نزلت على قفا حسونه بيبص وراه لقا ابو سنه والضرب اشتغل فى حسونه لحد ما استوى والناس خلصته من ايد ابو سنه بطلوع الروح والغريب اخد منه الفلوس
وحسونه طلع يجرى على بيته وهو بيقول توبه من دى النوبه لو عملة فيها فهلوى على حد غريب
يارب تعجبكم
كتبها : رومانى حبشى