حسونه بعد ثورة 25 يناير
حسونه قعد على القهوه وفضل يتكلم بصوت عالى وجمع كل زباين القهوه حوليه وفضل يقولهم احنا بعد الثوره لازم نتغير لازم كل واحد فينا يبقا انسان جديد لا للفوضه لا للرشوه والاكرميات لازم نكون منظمين ومتحضرين ندفعش رشوه تحت اى ظرف والموظف فينا لايمكن يقبل رشوه لو حيموت من الجوع منرميش زباله فى الشوارع وياريت بلاش ناكل احنا ومشين فى الشارع يكون احسن فواحد من بين الناس قال طيب ومين يسمع وينفذ حسونه بكل حماس وعزيمه قال انا اول واحد حنفذ الكلام ده وانتوا كمان لازم تعملوا زى ما انا حعمل وتاخدونى ليكم قضوى ومثال وخلص حسونه كلامه وروح بيته
تانى يوم الصبح
حسونه له اوراق فى الشهر العقارى متعطله ليها يومين فقرب على الموظف وقاله خلص اوراقى واللى انت عايزه حدهولك وطلع 100 جنيه وحطها فى جرد المكتب بتاع الموظف اوراق حسونه خلصت فى ثوانى حسونه خلص اوراقه وروح وهو مبسوط واشترى كيلو موز وهو فى طريقه للبيت وفضل ياكل فى هو وماشى ويرمى القشر فى الشارع وفى ناس كتير اتزحلقت فى القشر اللى رماه حسونه ورجع بيته
واليوم اللى بعده راح حسونه شغله وقعد على مكتبه وكان قرفان ومش طايق حتى نفسه ومعطل شغل خلق الله فواحد قرب منه وقاله معلش حتعبك معايه ممكن تخلص اوراقى وخد دى الشاى بتاعك وحط 200 جنيه فى جرد مكتب حسونه حسونه نفسه انفتحت على الشغل وخلص اوراق الراجل وقال له يروح يكمل الاجرئت وحتخلص على طول
خلص شغله حسونه وبرضه هو ومروح اشترى كيلو موز وفضل ياكل ويرمى القشر فى الشارع والناس تزحلق وتوقع وحسونه ولا هامه نضافة الشارع ولا الناس اللى بتوقع
وصل حسونه البيت اتغده واستريح وبعدين نزل القهوه وجمع الناس حوليه وفضل يخطب فيهم عن العصر الجديد من بعد الثوره ولازم الكل يتغير وفضل يقولهم انا لا يمكن ادفع رشوه لموظف حتى لو مصلحتى حتتعطل سنه ولا يمكن اقبل رشوه حتى لو كانت الف جنيه ولا يمكن اوسخ الشارع او اضر اخويه المواطن خدونى مثال ليكم واعملوا زى ما انا بعمل عشان خاطر مصر عشان خاطر مصر عشان خاطر مصر امنا وبلدنا العظيم ولسه حسونه بيتكلم ودخل واحد وسط الناس وقاله انت فين من يومين بدور عليك فحسونه ارتبك وقال له فى ايه فالراجل قال له ال١٠٠ جنيه اللى خدتها منك اكرميه عشان اخلص اوراقك بسرعه طلعت مزوره وكل ما اروح اصرفها فى مكان يهددونى انهم حيبلغوا عنى البوليس ياعم خدها وهات ١٠٠ جنيه غيرها فكه عشرات حسونه بقا فى نص هدومه قدام الناس وقبل ما يرد على الراجل فى واحد تانى طلع من وسط الناس وقاله يا استاذ حسونه الحقنى زميلك اللى روحت له يخلص باقى الاجرئت مش راضى ياخد 200 جنيه اكرميه زى ما انت خدت وعايز ياخد 400 جنيه لو ممكن تكلمه يقبل 200 جنيه يبقا ليك جميل فى رقبتى حسونه مش عارف يرد خالص ومرتبك ولسه مكملش كلامه وواحد دخل وسط الناس ومسك فى رقبت حسونه بس ده واحد جيرانه فحسونه بيقوله فى ايه والناس مسكة الراجل جار حسونه تحوشه عنه وبيقولوا له مالك هو حسونه عملك ايه قال لهم بياكل الموز ويرمى القشر فى الشارع هو وماشى وابنى اتزحلق فى قشره موز من بتوعه ورجله انكسرت ولما بسأل مين رمى قشرة الموز العيال فى الحاره قالوا انه حسونه سبونى عليه وفجئه كل الموجودين هجمو على حسونه ونزلوا ضرب فى وهما يضربوا فى حسونه وهو يصرخ ويقول لهم حرام عليكم هى دى اخلاق الثوره يا ناس عيب احنا فى عصر جديد والناس تضرب فى اكتر صرخ حسونه وقال انا الحق عليه عشان بحاول اعلمكم اخلاق الثوره خيرا تعمل شرا تلقا
تستاهل يا حسونه يارب تبطل فهلوه
كتبها : رومانى حبشى
ليست هناك تعليقات:
إرسال تعليق