( عن العشق والهوى )

قصة قصيره ( عن العشق والهوى )





ابطال قصتنا ماجد وسمير
الاثنان نفس الدفعه وفى السنه النهائيه لكن لاتربطهم اى صله او معرفه ببعض
ماجد بيحب سوسن وكمان سمير بيحب سوسن

سوسن طالبه معهم فى نفس الكليه لكن فى السنه الثانيه لكن هما فى سنة التخرج
قبل نهاية العام الدراسى بفتره بسيطه سمير تشجع واقترب من سوسن وعبر لها عن مشاعره وانه يريدها ان تكون شريكة حياته
فاخبرته انها لن تتزوج قبل اكمال دراستها والتخرج ولا تريد الارتباط قبل ذلك الوقت فقال لها سمير انه مستعد ينتظرها وفى سنتان الانتظار يكون قد شق طريقه وفرصه لتتعرف عليه اكثر فاخبرته انه قد ينتظرها ويمكن هى تحب شخص اخر وتتعلق به وتتزوجه وهى لاتريد خداعه فاصر سمير على قراره واخبرها بانه مستعد ولن يلومها ان لم تستطع حبه واحبت غيره

بعد خمس دقائق
اقترب صديقنا وبطلنا الاخر ماجد من سوسن التى كانت تتمشى فى حديقه الجامعه وتفكر فى كلام سمير وتقرب منها بلطف واخبرها انه يحبها ويريد الزواج منها فاخبرته نفس الكلام الذى قالته لسمير وقالت له انه يوجد شخص اخر يريد الزواج منها ومستعد ان ينتظرها ومستعد ان يتقبل رفضها له بعد سنتين من انتظاره فاخبرها ماجد انه هو ايضا مستعد ان ينتظرها وستكون من نصيبه اكيد لانه سيحقق النجاح باى ثمن ليفوز بها ولكن له طلب واحد ان فى اخر السنتان عندما تبلغهم بقرارها يريد ان يكون موجود هو ومنافسه فى نفس الوقت لانه متاكد من فوزه بقلبها ويريد ان يرا الهزيمه على وجه منافسه

فقامة سوسن باخبار سمير بكل ما قاله لها ماجد واعلمتة بانه اصبح له منافس فى نفس اليوم بل بعد خمس دقائق وقالت له لو يريد الانسحاب فلن تلومه فى قراره لكن سمير رفض الانسحاب

ومرت الايام وبعد فتره قليله تخرج سمير وماجد ويالا الحظ والمصادفه العجيبه كل منهم استدان واقترض مال وفتح مكتب استيراد وتصدير صغير وكأن مكتوب لهم ان يتنافسوا فى الحب والشغل وكل شئ

ماجد
كان شخص جاد ومهتم بعمله جدا لانه اراد النجاح واراد ان يكون جاهز لتلبيت جميع طلبات زوجته المستقبليه ولانه متاكد ان نجاحه سيضمن له الفوز بقلبها ولهذا كان اهتمامه الاول والاخير بالشغل وكان بيتصل بسوسن ليطمئن عليها عندما ظروف عمله تسمح بذالك

اما سمير
فكان ايضا رجل جاد ومصمم على النجاح لكنه كان يهتم بان يفرغ بعض الوقت لسوسن ولكنه كان كثير الشجار معها وقد يكون لاسباب تافه
فى احد الايام
كان سمير فى انتظار صفقه كبيره مع عملاء مهمين ويالا الهول عندما قاموا بتحديد ميعاد المقابله رفض وطلب منهم ان يغيروا هذا الميعاد فرفضوا وابلغوه ان وقتهم محدود يا غدا فى المساء او يتركوا ويتفقوا مع غيره فرفض الميعاد وتخلا عن الصفقه لانه لو سافر لهم وقابلهم غدا فى المساء لن يستطيع الرجوع الا تانى يوم صباحا ؟؟؟؟؟؟؟؟غريبه مش عارف ليه سمير عمل كده واضح انه مجنون نكمل القصه ونشوف
ثانى يوم مساء خرج سمير وركب سيارته وقطع بها مسافة ما يقرب من نصف ساعه وبعدها اوقف سيارته امام مبنى ودخل هذا المبنى ودق جرس احدى الشقق وفتحت له فتاه جميله النظره فى وجهها تخطف القلوب فقال لها وهو واقف على الباب كل سنه وانتى طيبه يا سوسن عيد ميلاد سعيد واخرج من جيبه ورده ناصعة البياض وقدمها لها على انها هدية عيد الميلاد فرحت بها سوسن جدا ؟؟؟؟؟؟؟؟؟؟؟؟؟؟؟ لا ده انت مجنون بجد وعايش الدور المهم نكمل
سوسن ادخلت سمير ليحتفل معها ومع اقاربها واصدقائها

وبعد خمس دقائق رن جرس الباب ففتحت سوسن الباب لترى من فاذا به سائق ماجد يقدم لها علبه جميله واخبرها ان رب عمله ماجد هو من ارسلها وهو على الهاتف يريد محادثتها
اخذت الهاتف الو ماجد انت فين وايه الهديه دى مش كان افضل لو قدمتها بنفسك
يرد ماجد سورى يا سوسن ظروف الشغل غصب عنى انا دلوقتى بره البلد بعمل صفقة عمرى مع جماعه اجانب وهما صمموا على ان المقابله النهرده او يشوفوا حد غيرى زى ما عملوا مع الشخص اللى كان المفروض يتفقوا معه قبلى بس هو طلع اهبل ورفض يقابلهم النهرده ؟؟؟؟؟؟؟؟؟؟؟؟؟؟ فعلا يا ماجد انت راجل عملى وناجح مش زى التانى الاهبل سورى فى اللفظ نكمل القصه
ماجد يكمل كلامه ويقول بليز متزعليش وياريت الهديه تعجبك افتحيها وقولى رائيك ايه انا جبتها امبارح وكونت ناوى اقدمها ليكى بنفسى بس الظروف انتى عارفه
ترد سوسن وتقوله عادى مفيش مشاكل ربنا يوفقك وفتحت الهديه خاتم ماس غالى جدا برضه سوسن فرحت بيه وانبهرت جدا الهديه جميله يا ماجد مرسى كتير على زوقك
يرد ماجد كل سنه وانتى طيبه يلا سلام عشان داخل على الناس بتوع الشغل باى
وهى كمان ترد باى
انتها عيد الميلاد وكانت سهره جميله

ملحوظه الصفقه التى ضاعت من سمير هذت موقفه فى السوق جدا

بعدها بكام شهر
سوسن كانت فى النادى ولانها قعدت فى الشمس كتير مع صحباتها جاتها ضربت شمس وللاسف هى شعرت بالتعب بعد ما كلهم سبوها وروحوا
طيب تعمل ايه
اتصل بسمير طبعا لا لسه امبارح متخانقين لانه ممل وبيدخل فى شؤنى الخاصه وحيعمل من شوية التعب قصة كبيره
خلاص الحل اكلم ماجد الو ماجد انا عندى صداع شديد ومش حعرف اروح البيت لوحدى ممكن تيجى توصلنى
يرد ماجد الف سلامه عليكى خلاص متقلقيش انا حبعت السواق بتاعى يوصلك اصلى داخل على اجتماع مهم ومقدرش اسيبه
ترد سوسن لا خلاص بلاش السواق انا حتصرف وحخلى وحده من صحباتى تيجى توصلنى باى
يرد ماجد ؟؟؟؟؟؟؟؟؟؟؟ لا للاسف قفلت قبل ما يلحق يرد على كل حال هو كان مستعجل ومشغول لدرجت انه ما عاودش الاتصال عليها نكمل القصه
بس ماجد بيحب سوسن فعلا وفضل مشغول عليها طول فترت الاجتماع

نرجع لسوسن
سوسن عيطت رن تليفونها ياه ده سمير بيرن الو ازيك يا سمير
سمير : ازيك يا سوسن انا اتصلت عشان اعتزرك على عصبيتى امبارح
سوسن : تقاطعه سمير نصيحتك الممله كانت صح وانا بجد اسفه انى قولة عليك ممل والنهرده جتنى ضربت شمس من القعاد فى الشمس فتره طويله
سمير : انتى فين دلوقتى عشان عايز اجى اطمن عليكى
سوسن : انا فى النادى
سمير : ايه الجنان ده انا جيلك دلوقتى وحاخدك لاقرب مستشفى
سوسن : طيب متتاخرش ؟؟؟؟؟؟؟؟؟؟؟ يا سلام وافقتى ليه على طول ما كونتى مخنوقه منه مش مشكله نكمل القصه

سمير : ثوانى حكون عندك باى
سوسن : باى

سمير طالع من المكتب بيجرى السكرتير نده عليه وقاله الكل جاهز ومستنيك فى الاجتماع
سمير قال مش فاضى اجل الاجتماع
السكرتير رد عليه يا فندم لازم نقدم اوراق المناقصه النهرده والا حنخسرها والمكتب بتاعنا يفلس
سمير لم ينظر خلفه وخرج يجرى ركب سيارته وفى اسرع وقت كان فى النادى عند وصوله وجد سوسن واضعه رائسها على الترابيزه وشبه مغما عليها والجميع من حولها كان يظن انها نائمه بدون اى كلام حملها سمير بين زراعيه وخرج بها على اقرب مستشفى وبعد كشف الطبيب عليها اخبره انه لو تاخر بها قليلا لكانت ستصاب بحمه قد تقضى على حاسه البصر والسمع عندها لكن الله ستر وانقذت سوسن ؟؟؟؟؟؟؟؟؟؟؟؟ ياه الحمد لله حتى انا كونت خايف على سوسن مش سمير وماجد لوحدهم نكمل القصه ونشوف

اتصل سمير باهل سوسن ولكنهم كانوا بيصيفوا فى قريه سياحيه ووصولهم سياخذ وقت طويل لن يصلوا قبل المساء
سمير لم يستطع ترك سوسن لوحدها ولم يفكر حتى فى انه ترك اجتماع مهم يتوقف عليه مصير مكتبه وحياته العمليه ظل بجوارها حتى المساء ولم يفارقها دقيقه
اسناء هذا الوقت كان ماجد انتها من اجتماعه وظل يحاول الاتصال بسوسن لكن للاسف تليفونها مغلق فلقد اقفلتة احدى الممرضات عندما سمعته يرن لتوفر الهدوء للمريضه فماجد توتر بشده لانه لايعلم لماذ سوسن اغلقة تليفونها هل هى مريضه او غاضبه منه يا ترى ماذا حدث
فى المساء افاقة سوسن من غيبوبتها وكان فى هذا الوقت وصل اباها وامها فعندما اطمئن سمير عليها خرج مسرعه الى الشارع ؟؟؟؟؟؟؟؟؟؟؟؟؟؟؟ ايه رايح فين شكلك افتكرة الشغل والاجتماع خلينا وراك ونشوفك رايح فين

ركب سيارته وعند اقرب محل ورد نزل واشترى لها ورده بيضاء ؟؟؟؟؟ يا ابن المجنونه مش مشكله نكمل

فى هذه الاسناء قصة الممرضه على سوسن واهلها كيف كان قلق سمير على سوسن وكيف لم يترك يدها لحظه واحده حتى استفاقة وقالت لها الممرضه انتى محظوظه بزوجك هذا فشعرت سوسن بصدمه من هذه الكلمه وردت امها لا ده مش جوزها هو طالب ايدها واحنا مدنهوش كلمه لسه

رجع سمير مسرعا الى المستشفى وركض من سيارته اللى غرفة سوسن وعندما وقف امامها قدم لها الورده البيضاء فنظرت له سوسن مبتسمه ولكن هذه المره شعورها مختلف جدا عن قبل
فهذه اول مره ترى سمير وسيم واول مره تلاحظ رومنسيته وتهتم بها فهى دائما كانت معجبه بشخصيه ماجد الرجل الجاد العملى المنتصر دائما فى عمله الذى لا يتدخل فى شؤنها الخاصه ولا يهتم بتفاصيل يومها ؟؟؟؟؟؟؟؟؟؟؟؟؟؟؟؟؟؟؟؟؟ بنت يا سوسن بلاش كده انا شايف حاجه غريبه بتحصل فوقى يا بنت ولا اقولك انتى حره احنا نكمل القصه ونشوف اخرتها معاكى ايه

بعد ان قدم سمير الورده لسوسن وجلس معها ومع اسرتها وتحدثوا كثيرا وضحكوا اكثر واطمئن على سلامتها ذهب اللى منزله

فى الصباح بحثت سوسن عن تليفونها فاعطته لها الممرضه فوجدته مغلق وبمجرد ان فتحته وجدت ماجد يتصل بها
سوسن: الو
ماجد : انتى فين وقافله تليفونك ليه شغلتينى عليكى
سوسن : معلش اصلى فى المستشفى والممرضه قفلة التليفون
ماجد : مستشفى يا خبر اسود طمنينى عليكى مالك
سوسن : ضربت شمس وخلاص انا دلوقتى خفيت خالص والضهر خارجه من المستشفى
ماجد : طيب مستشفى ايه عشان اجيلك
سوسن : مش مهم خلاص خارجه الضهر
ماجد : حتى لو خارجه دلوقتى انا منمتش الليل من القلق عليكى ولازم اطمن عليكى واشوفك ؟؟؟؟؟؟؟؟ على فكره ماجد مش كداب وبيحب سوسن بجد المهم نكمل الحكايه ونشوف
سوسن : خلاص خد العنوان واسم المستشفى
ماجد : اخد العنوان واسم المستشفى وقالها ثوانى وحكون عندك باى
سوسن : باى
سوسن قفلت مع ماجد وبعدها على طول دخل عليها سمير ومعه ورده بيضه وقدمها ليها هديه
وجات ولدتا وابوها وكمان ربع ساعه وصلت مجموعه من اصدقائها البنات عشان يطمنوا عليها وناس من قرايبها ؟؟؟؟؟؟؟؟؟؟؟؟؟؟؟؟؟؟؟؟؟؟ ياه دى الغرفه بتاعت سوسن اتزحمة قوى كل دى ناس يلا نكمل احسن

وصل ماجد ومعه هديه علبة شيكولاته مستورده وسلم عليها طبعا الجو زحمه ومفيش فرصه يتكلم فى اى شئ مفيش خمس دقايق وتليفون ماجد رن فتح على طول لان التليفون من عميل مهم بعدها اتصل عليه المكتب محتاجينه ضرورى استئذن ماجد وخرج بسرعه عشان يلحق شغله وهو خارج راح دافع حساب المستشفى بتاع سوسن وراح شغله ؟؟؟؟؟؟؟؟؟؟؟؟؟؟؟؟؟ طاب اشمعنا تليفون ماجد بيرن وسمير لاء حنشوف دلوقتى بلاش استعجال

سمير فضل طول الوقت جار سوسن فهى اصرت انه يروح شغله وبعد اصرارها الشديد سابها ونزل على المكتب
اول ما وصل مكتبه السكرتير قال له من امبارح برن عليك وتليفونك مقفول وخلاص احنا كده مش حنقدر نقدم فى المناقصه لان باب التقديم اتقفل ودى كانت املنا الوحيد فى تعويض خسارتنا وتخلينا نوقف على رجلينا فى السوق حزن سمير وقعد على مكتبه حزين ولم يرد باى كلمه على السكرتير
فى هذا الوقت خرجت سوسن من المستشفى وبعد علمها بان ماجد دفع حساب علاجها حاولت ترد ليه المبلغ بس هو رفض وبشده

غاب سمير فتره تزيد عن اسبوع ولم يتصل بسوسن وعندما هى حاولت تتصل به لتطمئن عليه لما يرد على اتصالها
فذهبت الى مكتبه لتعرف ماذا حدث وجدت سكرتيره فاخبرها ان سمير افلس وبشق الانفس استطاع سد ديونه ولكنه اصبح لايملك الا الشقه التى يسكن بها فطلبت منه ان تعرف اسباب افلاسه فقص لها حادثه رفضه السفر الى الخارج لاتمام صفقه كبيره لانه كان معه مناسبه مهمه هنا ولم يخبرنا حتى ما هى تلك المناسبه فسألته عن تاريخ تلك المناسبه فعندما اجابها وقال لها التاريخ علمة انه يوم عيد ميلادها واكمل حديثه واخبرها انه ترك اجتماع مصيرى من فتره تزيد عن اسبوع وخرج يجرى ولم يروه مره اخرى غير فى اليوم الثانى بعد ان تسبب غيابه فى خسارت كل شئ وعندما سألته عن الميعاد بالظبط فاخبرها فتاكدت انه وقت مرضها وعرفت ان سمير خسر كل شئ من اجلها ؟؟؟؟؟؟؟؟؟؟؟؟؟؟؟ مسكين سمير بس يستاهل عشان عامل فيها رومنسى وعايش الدور على الاخر يلا نكمل

ذهبت سوسن الى منزلها
وافلس سمير وبعد ان كان صاحب مكتب ورجل اعمل ذهب واشتغل فى شركه خاصه بمرتب يكفيه احتيجاته وساتر حاله وشعر انه خسر كل شئ وخسر اهم شئ وهو سوسن لانها اكيد ستختار الشخص الناجح وليس الفاشل الذى خسر كل شئ واصبح موظف ومرتبه محدود ولكنه دائما كان يطمئن على سوسن وعلى اخبارها وحبه واهتمامه لم يتغير رغم ثقته بانها فى النهايه ستختار منافسه

وماجد ظل فى تقدم وتوسع فى شغله وثقته زادت فى ان سوسن ستكون من نصيبه

وبعد ست اشهر من حادثة افلاس سمير تمت مدة السنتين وتخرجت سوسن من الجامعه واصبح من الواجب عليها الوفاء بوعدها وتقرر من ستتزوج
اتصلت سوسن بماجد وسمير وحددوا وقت يتقابل فى الثلاثه معا لتعلن لهم قرارها ومن ستختاره
ذهب ماجد وكله ثقه بانه هو من سيفوز بها زوجه له وذهب سمير ليراها للمره الاخيره لانه متيقن من انها ستختار ماجد

تقابل الجميع فى المكان والزمان المحددين
وتكلمة سوسن وقالت انا ديما كونت معجبه بشخصيه ماجد لانه رجل عملى وطموح وديما بيوصل لاهدافه ومش بيهتم بالتفصيل الممله وكمان غنى ووسيم وعمره ما حصل بينا اى خلاف لكن ديما انا وسمير بنختلف ونشد مع بعض وبيهتم بتفصيل مش ضروريه خالص ومش مدى كل اهتمامه لشغله

فرح ماجد جدا وابتسامة المنتصر علة وجهه
وحزن سمير ولكنه لم يصدم لانه متوقع ذلك
ولكن الاثنان تركا سوسن تتكلم بحريه ولم يقاطعها احدهم

فاكملة سوسن كلامها
وقرارى هو انى اخترت سمير ومستعده اكمل باقى حياتى معه

فغضب ماجد بشده وقال لها سمير قدملك ايه بالعكس انا تعبت وشقيت ليل ونهار عشان انجح واعمل ثروه واقدملك عيشه كريمه يكون عندك فيها كل احتيجاتك كل شئ انا كسبته كسبته عشانك انتى ليه رفضتينى

فاجابته سوسن
فعلا انت كسبت كل شئ عشانى ولكنك لم تستطيع خسارة كل شئ عشانى برفضى ليك حتخسرنى انا بس لكن كل شئ انت كسبته عشانى حيفضل معاك وحيفضل عشانك انت اهتميت بكل شئ عشانى فعلا لكنك اهتميت بيه اكتر من اهتمامك بالشخص البتعمل عشانه انت ناجح ونجاحك حيقعد معاك مش حيسيبك معايه

سمير خسر عشانى كل شئ عشان يكون جنبى فى وقت احتياجى لشخص يكون جنبى عشان يكون جنبى لحظه مش طول العمر
انت ضحية وتعبت وشقيت عشانى لكن اخدت اجرك نجاح وثروه حيفضلو معاك ديما

لكن هو ضحه بالنجاح والثروه وبكل شئ من غير ما ياخد اى شئ

بس تعرف هو بجد كسب قلبى ولايمكن حيطلع منه لاخر لحظه فى عمرى

ماجد انسحب وسابهم وخرج

وسمير اتفق مع سوسن على ميعاد يروح يخطبها من اهلها ؟؟؟؟؟؟؟؟؟؟؟؟؟؟؟؟ مبروك يا سمير انت وسوسن عقبال ما نفرح بولادكم



ايه رائيكم فى القصه دى

القصه من تأليف ::::: رومانى حبشى

معلش هى طويله شويه يارب تعجبكم

لو عجبتكم اعملوا شير وانشروها


عاشق مجنون