خدوا مني سعادتي

خدوا منى سعادتي وقالولى ياحرامى دى مش من حقك اتركها ومتبقاش اناني عيب اوعا تعمل كده تاني

سرقونى وخدوا كل فرحتى وعطوها لواحد تانى ورجعت بقلب حزين بعاني

راحت بهجة روحى واتسحبت مني فى ثوانى ورجعت ميت من تاني

خدوا سكر قلبى وحطوا مكانها مرار جفت من نهرى الميه العذبه وسقوني مكانها كاس من نار

غاب عن سمايه القمر وظهرت مكانه الغيوم لاقدرت بايدى امسك في القمر ولا قدرت اطرد عن سمايه الغيوم

كل واحد فى الدنيا قافل على السعاده جوه قلبه الف باب الا انا ياربى مفتوح للاحزان على قلبى الف باب وباب

كنت فاكر نفسى بطل كنت فاكرنى شيخ الشباب طلعت خيبه مقدرتش احافظ على قلب قلبى وتركته فى الحزن داب

سرقوا من قلبى الراحه سرقوا الحب والامان وقالولى ياابنى انسا دا شعور فات وقته عليك من زمان

انت لازم تكون صلب حجر انت لازم تكون اقوى من الحديد كمان انت لازم تبقا اقوى من الزمان


ياابنى خليك فى حالك ياابنى ركز فى شغلك واعمالك اصلي السعاده والراحه مش ليقالك

ياابنى اصحه ياابنى ارجع لعقلك وفوق احسن ما تاخد  كف من بعده مش حتعرف تروق

قالوا ياابنى سعادة القلب دى مش من حظك ولا نصيبك ولا عمرها حتصيبك

سكر قلبك سيبه لغيرك يتهنى بيه اصل انت ملكش حق فيه روح ابعد عنيه

وحلو الدنيا وكل امانيها وكل اغانيها الحلو غيرك اتمتع بيه وحقق فى الدنيا كل امانيها وغنا كل اغانيها

خدوا منى سعادتى وقالولى دى احلام انساها دى اوهام اسلاها وخدوا منى سعادتي


هلوسات : روماني حبشي