لو حلمي معاكي

يا حبيبتي لو حلمى معاكي ما عيشتهوش وكأني عالم الاحلام مدخلتهوش


يا عشقي لوقلبك جوه حضنى مضمتهوش وكأني عشت عمري والحب مجربتهوش


يا حياتي لوخدك بكفى ملمستهوش ضاع عمرى ياغرامى وعسل الحب مذقتهوش


يا حبيبت القلب والروح من غير وصالك لو ملكت الدنيا وكل زمانى  ولا كأني ملكتهوش


يا حبيبتي لو عشت الف عام وانا بعيد عنك حموت وانا شاعر انى عمرى انقضا من غير سعاده من غير حب من غير مشاعر


يا حبيبت قلبي حفضل احب فيكى واعشق وادوب وقلبى يحكى عنك اجمل الحكيات في الحب يا احن القلوب


ياعمرى انتى القمر والشمس وكل النجوم انتى دنيتى وخريطة حياتى اللى ملهاش وصف فى كل كتب العلوم


يا اجمل من كل الزهور وارق من كل الفرشات  وابدع من كل العصافير اللى بتغرد وفى السما بطير


عندى ليكي حب كبير معبى قلبى وبيفيض منه كتير عندى ليكي اشتياق خطير عمر ما حد اشتاق لحد تانى منه حتى لو جزئ صغير


بحبك من زمان من قبل ما يتعرف الحب ومن قبل ما يتحكى كان يا مكان كان فى انسان بيعشقك يا مجنونه من زمان


من قبل ما قلبك يعرف يحب انسان انا بدور عليكى من زمان كنت شايفك عصفوره بتغرد على الاغصان


كنت شايفك اجمل فراشه بابدع الالوان بتداعب ربيع قلبى الحيران


كنت شايفك زهره اروع من كل الزهور فى جمالها تاه عقلى وبيها اصبح مسحور


كنت بحلم بيكي من زمان ولو حلمى معاكى ما عشتهوش وكأني عالم الاحلام مدخلتهوش



كلمات : روماني حبشي