الساحر والجميله

كان فى ساحر قوى وكتير مشهور عمل حجات خير كتير وحجات كتير شر
ينطبق عليه قول الطيب الشرير
وكان بيكره الاشرار ويحب الاخيار وهو مش منهم لكنه كان يحب يساعدهم

سمعت عنه وحده جميله كتير وكمان خبيثه كتير كتير والكل كان بيحكى عنها جمالها صافى
راحت لحد عنده وطلبت منه يساعدها فى كل امورها ويحل ليها كل مشاكلها
وقالت بس انت تساعدنى واعتبرنى ملكك كلى ملكك جسمى وقلبى وروحى وتعمل معى اللى تحبه وكل اللى تطلبه اعطهولك بس ساعدنى وخلصنى من مشاكلى الكتير الخطيره
رد عليها الساحر وقال بس انا مش عايز منك اى حاجه ولو عايزانى اساعدك لي شرط واحد بس وهو انك تصلحى حياتك وتمشى فى طريق مستقيم بلاش علاقات غلط وانحراف خليكى بنت ناس اصيله وتعلمى الاخلاص ها ايه رائيك متفقين

ردة عليه الجميله وقالت طبعا امين خلاص احنا متفقين

وبدا الساحر شغله وحل المشاكل مشكله ورا مشكله ودمر كل اللى عليها كانوا متامرين
وكمان كشف الصحبات اللى كانوا ليها غدارين
وصلح ليها مشاكل الشغل اللى ليها سنين

وكان عارف ان محصلش فى سلوكها واخلاقها اى تغير لسه زى ماهى رخيصه وبتغلط من غير تفكير حاول ينبها ويفهمها ان كده كتير ولازم عشان يستمر يساعدها يشوف فيها اى تغير
والجميله تحلف وحياة الغوالى اتغيرت كتير
وبعد ما الساحر صبر عليها عام كامل وكده فعلا كتير
عرف انها حتى قبل ما تترك صاحبها الحقير دخلت فى علاقه مع صاحب جديد تافه كتير

راح الساحر واجها حلفت بالغوالى وانكرت كتير ومتعرفش انه كان عارف كل شى كان عارف صاحبها التافه كان بيشبها بالبومه وكانت بتطلع معه وقت الشروق بدرى كتير ومرات عند المغيب

ولما الجميله تاكدة ان الساحر المره دى مصر كتير تبطل رخص وتصلح الطريق بدئة منه خلقها يديق
وشافت ان كل مشاكلها اتحلت وخلاص مفيش داعى تمثل عليه الصدق وانه اعذ صديق
قالت له انا حره فى طريقى ابعد عنى واتركنى فى حالى انت مالك ومالى

الساحر وقف حيران ينتقم منها كيف
هل يشلها ولا يدمرها ويفضحها ولا يولع فيها النار بس دى اتفه من انى احطها فى دماغى وادمرها

وبعد تفكير عميق قال اتركها لطريقها المعوج اخرت شرها راح تدمر نفسها بنفسها ويتمحى زكرها النجس عن الوجود

وتركها وراح لحاله وانشغل عنها باعماله

والجميله دارة تنشر عنه الاشعات انه شرير وخاين وكان بيجرى وراها ويترجها تحبه بالساعات وكتير  قالت عنه من اوسخ الكلمات

وفى يوم تليفونه رن
ايوه يا جميله
تقوله انت مالك ومالى متابعنى وبتراقبنى ليه ممكن تبعد عن احبابى وتتركنى انبسط مع اصحابى ابعد عنى انا شخص خطير والا راح تندم كتير
ينهى الساحر المكالمه بدون تفكير

وبعد بحث وتدوير عرف الساحر ان سمعتها فاحت كتير وطلعت وراحت لعند مرات صاحبها التافه وصلت  وكان طبيعى ان ده يصير كل اخبارهم الوسخه اصبحت معروفه وهى قدام الكل صارت مكشوفه

قال الساحر فى نفسه طول ماهى ماشيه فى طريق الغلط ياما حتشوف وحتخسر كل شئ وخلينا ننتظر واخرتها نشوف

ولان الجميله كانت مع الساحر كتير حقيره اعتقدت انه لايمكن يتركها في حالها وانه اكيد راح ينتقم منها باى طريقه

راحت لواحد من اصحابها واصل كتير وعنده نفوذ وبكلمتين منها قالها بسيطه
وتانى يوم كان الساحر القيود فى ايديه

الجميله سمعت الخبر فرحت وكانت من الفرحه حطير ومتعرفش ان الساحر خطير كتير وهى ما شافت منه غير الطيب وما تعرفش منه الجزئ الشرير

وفى ظلام المكان وتحت قيود الحديد فى ايده قرر الساحر ينتقم من الجميله ومفيش عندها شئ مهم غير جمالها الصافى هو اهم واقوى سلاح عندها من غيره حتخسر كل شئ حتى شغلها
وقبل ما قيوده تنفك لازم فى جمالها تنضرب وتنشك
وقبل ما تشرق الشمس انفك قيد الساحر ولبيته روح

اما الجميله الصبح صحيت من النوم تطوح وصلت لمرايتها والصدمه شافت نفسها مبقتش صافيه ولاحتى مليحه سحر عيونها راح والورد من على خدها سقط وطاح وشفايفها دبلت وجفت وجسمها كبر وشاخ جمالها فى لحظه فارقها وعنها ذهب وروح وتركها قبيحه فى نار القبح بتنحرق وتتشوح


كتبها : روماني حبشي

المغذه من القصه هو ان لعبت مع شخص اقوى منك وسامحك مفيش داعى تفكر انه عايز ينتقم منك ومش قادر وتفضل انت تدايقه بكلامك وتصرفاتك وتنشر عنه اشعات لحد ما تجبره ينتقم منك قد يكون هو يقدر ينتقم منك بمنتها السهوله بس شايفك بدون قيمه واتفه من انه يصغر نفسه ويحطك فى دماغه وينتقم منك

وسلامى للجميع