بنات مواقع التواصل الأجتماعى

البنت ؛ تنزل بعض الخواطر الرومنسيه

الولد : يعلق تعليق لطيف

البنت ترد عليه

الولد يمدحها

البنت ؛ ترد بلطف

الولد : يذيدها مدح

البنت ؛ تشكره

ثانى :؛ يوم نفس اللى حصل اول يوم

ثالث :؛ يوم نفس اللى حصل اول وثانى يوم

رابع :؛ يوم بعد التعليقات والمدح بينهم

البنت ؛ تدخل تتعرف على الولد فى الخاص وتبعتله مسجات

البنت ؛ هاى

الولد : هاى

البنت ؛ اشكرك جدا

الولد : على ايه تشكرينى

البنت ؛ عشان انت لطيف ومحاولتش تدايقنى او تقل ادبك على زى باقى الولاد

الولد : عادى ده المفروض الطبيعى

البنت ؛ تحكى للولد عن اخلاقها وتشرح له انها حشمه فى لبسها وتحب تحافظ على مظهرها واحترامها قدام الناس

الولد : معقول فى بنت متشدده زيك الايام دى

البنت ؛ انا مش متشدده لكن بعمل كل حاجه بحدود واى حد يفكر يغلط معى بوقفه عند حدوده ومليش فى قصص الحب والغرام مش زى باقى البنات كل يومين احب واحد جديد

الولد : اعجب جدا باخلاقها وقالها شخصيتك واخلاقك حلوه جدا

البنت ؛ وكمان شكلى حلو

الولد : طبعا اكيد روحك واخلاق الحلوين بيظهروا على وجهك ويخلوكى حلوه

البنت ؛ لا بجد انا حلوه تحب تشوف صورى

الولد : اه طبعا اكيد احب اشوفك

البنت ؛ بس بشرط توعدنى بعد ما تشوفهم تحزفهم انا بس عشان وثقت فيك وحاسه انك غير باقى الولاد راح ابعتهملك

الولد : اطمنى اوعدك احزفهم

البنت ؛ بعتت صور فعلا اكتر من صوره

الولد : معقول دى صورك بجد

البنت ؛ اه صورى ايه انا وحشه ومش عجباك

الولد : بالعكس انتى جميله جدا جدا

البنت ؛ بجد عجبتك

الولد : اه انتى جميله جدا جميله فى اخلاقك وجميله فى شكلك

البنت ؛ كل يوم تتكلم مع الولد طول ماهى فاتحه ومهتميه به جدا وبتغير  عليه ديما مش حابه انه يتكلم مع اى حد غيرها وبتساله وهو بياكدلها انه ‏‎مش بيكلم غيرها

الولد : انشد ليها وبدا يحبها وشعر انها بتحبه واضح جدا من اهتمامها بى

البنت ؛ طول الوقت تحكى له عن حياتها وشغلها واهلها

الولد : حس انه خلاص بيموت فيها فحب يتاكد بتحبه او لا راح سالها انتى بتكلمى حد غيرى على الخاص

البنت ؛ اه واحد بس بعتبره صديقى الانتيم وهو مجوز وبيخاف على وبيهتم بيه جدا

الولد : شعر بغيره واتغاظ جدا بس قال لنفسه هى من مجتمع غير مجتمعى وعاداتهم وتقاليدهم تختلف ولو كلمتها دلوقتى انا ومدايق غالبا راح نتخانق واخسرها اسيبها دلوقتى واكلمها تانى لما اهدا واعرف افتح معها الموضوع واقولها بحبها وبغير عليها ومش عايزها تكلم غيرى

البنت ؛ ايه مالك ساكت

الولد : معلش مطر اقفل دلوقتى وحرجع اكلمك بعدين وغاب عنها نص يوم مش اكتر

البنت ؛ ماليه صفحتها نكت وفى ولد تانى بيعلق عندها وهزار وضحك وكلام حب بينها وبين الولد التانى ومفيش خمس دقايق الا وولد غير التانى بينزل صورتها فى التعليقات وبيتكلم على ان فى بينه وبينها قصة حب وغرام

الولد : انصدم معقول دى البنت الاخلاق اللطيفه المؤدبه الحشمه اللى بتحافظ على مظهرها طاب بتعمل كده ليه يمكن انا ظالمها وفاهم غلط اكيد فى سبب
دخل كلمها على المسجات

الولد : قالها انه اتصدم فيها وان اللى بتعمله غلط

البنت ؛ غلط ليه انا عملت ايه

الولد : تعليقات حب وغرام بينك وبين واحد وواحد تانى معه صورك

البنت ؛ مفيش حاجه دى مجرد تعليقات وبس
واللى معه صورتى دا اصلا جارى ويعرفنى كويس

الولد : انتى قولتيلى انك بتخافى على سمعتك ومظهرك وبتحافظى عليهم قدام الناس

البنت ؛ انت وقح

الولد : انا

البنت ؛ اه ومعندكش زوق

الولد : انا ما غلطش فيكى

البنت ؛ ومش بتعررف تتعامل مع البنات

الولد : انا

البنت ؛ انت مفكرنى راح اهتم بيك ولا احبك

الولد : انا كنت مفكرك عندك زوق واخلاق

البنت ؛ انت اصلا مش متربى وغبى مش بتفهم

الولد : انا بفهم احسن منك ومن اهلك بلوك يا حيوانه

بعد البلوك

الولد : يقول لنفسه الحمد لله كنت فاكر نفسى ظالمها لكنها طلعت اوسخ واحقر مما اتخيل

ملاحظه :::::: مش عارف هل كتبتها من وحى الخيال ام من الواقع

كتبها :::::: روماني حبشي